२९ गतेभित्रै स्वीयू चुनाव गराउने सहमतिपछि खुल्यो गोलबजार क्याम्पसको ताला

न्यूज ब्यूरो, सिरहा । सिरहाको गोलबजारस्थित रहेको रामप्रताप रामप्रसाद तामाङ्ग जनता क्याम्पसमा आज गरिएको तालाबन्दी आजै खोलिएको छ ।

क्याम्पस प्रमुख किशोर साह र आन्दोलनरत विद्यार्थी सँगठनबीच भएको सम्झौता बमोजिम ताला खोलिएको हो । प्रमुख साहले चैत्त २९ गतेभित्रै स्वीयू चुनाव गराउने लिखित सहमति गरेपछि ताला खोलिएको हो ।

विद्यार्थी संगठनहरुले आज विहान क्याम्पस चिफ साहको कार्यकक्षमा ताला लगाएको थियो । जसले गर्दा नियमित भईरहेको परीक्षा समेत प्रभावित हुन थालेपछि चिफले सही समयमा निर्णय दिएर ताला खोल्न लगाएको हो ।

विद्यार्थी संगठनका पदाधिकारी र क्याम्पसका पदाधिकारीबीच लिखित सहमतिपछि ताला खोलिएको हो । अब २९ गतेभित्र नै सो कलेजमा स्वीयू चुनाव हुने भएको छ ।