माओवादी केन्द्र स्कूल विभागका पदाधिकारीहरुलाई प्रशिक्षण

न्यूज ब्यूरो, जनकपुरधाम । नेपाल कम्यूनिष्ट पार्टी माओवादी (केन्द्र) ले केन्द्रीय स्कूल विभागका पदाधिकारीहरुलाई प्रशिक्षण दिएको छ ।

राजधानी काठमान्डौँस्थित गत चैत्त ७ गतेदेखि चैत्त ११ गतेसम्म ५ दिने प्रशिक्षण दिएको हो ।

पार्टी अध्यक्ष तथा प्रधानमन्त्री प्रचण्डले उदघाट गरेको सो प्रशिक्षणमा धनुषाबाट मधेश प्रदेश कमिटि सदस्य एवम् पूर्व मेयर उदय कुमार बरबरिया (यादव) को टोलीले सहभागीता जनाएको थियो ।

पाँच दिनसम्म चल्ने पार्टी स्कुलमा दर्शनशास्त्रको विकासक्रम, द्वन्द्वात्मक भौतिकवाद, ऐतिहासिक भौतिकवाद, आजको विश्व र दर्शनको विकास, राजनीतिक अर्थशास्त्र, आजको विश्व अर्थतन्त्र, समाजवादी अर्थतन्त्र, नेपाली अर्थतन्त्र, विशेषता र सम्भावना, वैज्ञानिक समाजवाद र विकासक्रम, समाजवादको सैद्धान्तिक पक्ष, समाजवादको नेपाली विशेषता र कम्युनिस्टहरूको कार्यभार, वैज्ञानिक दृष्टिकोण, विज्ञानका नयाँ आयामहरूमाथि विश्लेषण, विश्व एवं नेपाली कम्युनिस्ट आन्दोलनको इतिहास, राजनीतिक कार्यदिशा र विकास, पार्टी संगठन र परिचालन, व्यवस्थापन, आत्मनिर्भरता र विकास, राष्ट्रियता र भूराजनीति, संस्कृति र समाजवाद, उत्पीडित समुदायको सवाल,राष्ट्रियताको सवाल लगायतका विषयहरूमा प्रशिक्षण दिएको हो ।