जनकपुरको रा.रा.ब. मा गठबन्धनको हालात पञ्चर, नेविसंघको अग्रता कायमै

न्यूज ब्यूरो, जनकपुरधाम । स्वतन्त्र विद्यार्थी युनियन (स्वीयू) चुनावमा जनकपुरको रा.रा.ब. क्याम्पसको मतगणना जारी रहेको छ ।

विहान ८ बजेसम्मको मतपरिणाम अनुसार नेपाली काँग्रेस निकट नेपाल विद्यार्थी सँघ (नेविसँघ) को अग्रता कायमै रहेको छ । नेविसंघका मनिष यादवको अग्रता अझै कायम राख्दै फराकिलो मतान्तर गरेका हुन् ।

जानकारी अनुसार, सभापति तर्फ नेविसंघका मनिष यादवले ५९५ मत, लोकतान्त्रिक विद्यार्थी संघ (लोविसंघ) का प्रशान्त झाले ४०९ मत प्राप्त गरेका छन् । सो क्रममा पाँच दलिय गठबन्धका गौत्तम यादव तेस्रो नम्बरमा रहेका छन् भने जनमत विद्यार्थी संघका ईजाज अन्सारी चौथो नम्बरमा रहेका छन् ।

पाँच दलिय गठबन्धन भएपनि गौत्तम यादवको अवस्था जटिल बन्दै गएको छ । मतपरिणाम अनुसार उनी तेस्रो नम्बरमा झरेपछि गठबन्धनको हालात पञ्चर भएको हो । नेविसंघको अग्रता अझै कायम रहेको छ ।