न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित बाटो हिँडदै गरेकी युवतिहरुलाई जिस्काउने तीन जना युवकहरुमध्ये एक जना मोटरसाईकलसहित पक्राउ परेका छन् ।
जिल्ला प्रहरी कार्यालय धनुषाले समाजिक सँजालमा तस्विरहरु भाईरल भएपछि उनीहरुको खोजतलास सुरु गरेको थियो । बुधबार समाजिक सँजालमा युवति जिस्काएको र हातले समात्न खोजेको तस्विर, भिडियोहरु सार्वजनिक भएपछि तीनै जनालाई खोजतलास सुरु गरिएको थियो ।
प्रदेश २ ००२ प ७४११ नम्बरको पल्सर मोटरसाईकलमा बसेका तीन जना युवकले बाटो हिडदै गरेकी विद्यार्थी (युवति) हरुलाई दुरव्यवहार गरेको तस्विर र भिडियो समाजिक सँजालमा भाईरल बनेको थियो ।
धनुषा प्रहरीले बुधबारदेखि नै सर्च अपरेशन चलाएर गाडीको नम्बर अनुसार गाडी सहित गाडीका चालकलाई तत्काल नियन्त्रणमा लिएर अनुसन्धान सुरु गरेको हो । सो प्रकरणमा अन्य दुई जना युवक भने फरार भएका छन् ।
उनीहरु महोत्तरी जिल्लाको रहेको जिल्ला प्रहरी कार्यालय धनुषाका प्रहरी प्रवक्ता बेद प्रसाद गौत्तमले जानकारी दिए । महोत्तरी प्रहरीसँग समन्वय गरी तीनै जनामाथि कारवाही गर्ने बताए ।
- २०७९ चैत २ बिहीबार
