सूचना प्रविधि अधिकृत यादवले गरे बिना दाईजोको अन्तरजातीय विवाह

न्यूज ब्यूरो, धनुषाधाम । देशमा दाईजो प्रथाले जडो गाडेको अवस्थामा एक युवकले बिना दाईजोको अन्तरजातीय विवाह गरेका छन् ।

खास गरी तराई मधेसमा महामारीकै रुपमा फैलिएको दाईजो प्रथा र जातपातलाई चुनौती दिदै मधेश प्रदेशका एक जोडीले आदर्श विवाह गरेका छन् ।

धनुषाको मिथिला विहारी नगरपालिकामा सुचना अधिकृतको रुपमा कार्यरत यादवलको धादिङको मैदी वडा नम्बर ७ हाल काठमाडौ महा नगरापलिका वडा नम्बर १३ निवासी सुनिता श्रेष्ठसंग ढल्केवर स्थित एक कार्यक्रमका बीच हिन्दू परम्पराअनुसार विवाह गरेका छन् ।

काठमाडौ महानगरपालिका वडा नम्बर ३ निवासी जन्मिएकी सुनिता श्रेष्ठ र मिथिला विहारी नगरपालिका ६ सिरसिया निवासी लक्ष्मी नारायण यादवसँग वैवाहिक बन्धनमा बाँधिएका हुन् ।

मधेसमा विकृतिको रुपमा फैलिएका दाईजो प्रथालाई निरुत्साहित गर्न दाईजो नलिई बिहे गरेको सुचना प्रविधि अधिकृत यादवले बताए । तराई मधेशमा विपन्न देखि हुनेखाने परिवारका युवाहरुले समेत विवाहमा दाइजो लिने गरेका छन् । अझ सरकारी जागिर खाने युवाहरुले धेरै दाइजो लिने गरेका छन् ।

निजामती सेवा अन्तर्गत सुचना प्रविधि अधिकृत पदमा कार्यरत यादवले आदर्श विवाह गर्ने स्वघोषणाले समाजमा सकारात्मक संदेश प्रवाह भएको मिथिला विहारी नगरपालिकाका मेयर राजेन्द्र प्रसादले बताए ।