आमाबुवा नागरिक हुँदाहुँदै सन्तान कसरी अनागरिक, तत्काल नागरिकता देउः मन्त्री यादव

न्यूज ब्यूरो, जनकपुरधाम । जनता समाजवादी पार्टी (जसपा) नेतृ एवम् प्रतिनीधिसभा सदस्य रेखा यादवले बुवाआमा नागरिक भएपनि सन्तान अनागरिक कसरी भएको भन्दै प्रश्न गरेकी हुन् ।

जसपाबाट समानुपातिक साँसद बनेकी नेतृ यादवले बुवाआमाको नागरिकता हुँदाहुँदै उसको सन्तान अझै अनागरिक बनेर जिउनुपर्ने बाध्यता अन्त्य गर्न माग उठाइन् ।

शुक्रबार प्रतिनीसभा सँसद भवनमा बोल्दै नेतृ यादवले सन्तानलाई चाहिने आधारभूत आवश्यकता, शिक्षा, स्वास्थ्य नियम बमोजिम पाउन नागरिकताको आवश्यकता औल्याइन् ।

उनले बुवाआमा नागरिक भएर पनि उनको कोँखबाट जन्मेका सन्तान अनागरिक बनाउँदा असहय पीडा भएको सुनाइन् । उनले त्यस्तालाई यथाशिघ्र नागरिकता दिन आग्रह पनि गरिन् ।

सो क्रममा उनले लघुवित्तहरुले उठाउने चर्को ब्याजदरको समेत विरोध गरिन् । उनले नेपाल राष्ट्र बैँकको नियम बमोजिम नै ब्याज लिनुपर्ने कानुन कडाईका साथ लागू गर्न आग्रह गरिन् ।