पत्रकारमाथि अँकुश लगाउन खोज्ने राजविराज नगरपालिका अधिकृत यादव समाजिक सँजालमा ट्रोल

न्यूज ब्यूरो, जनकपुरधाम । मिडियामाथि अँकुश लगाउने प्रयास गरेका सप्तरीको राजविराज नगरपालिकाका शाखा अधिकृत भागेन्द्र प्रसाद यादव समाजिक सँजालमा ट्रोल भएका छन् ।

राजविराज नगरपालिकाकै सरकारी लेटरहेडमा पत्रकारलाई अनुगमनसहित तस्विर वा भिडियो खिच्न अनुमति लिनुपर्ने वक्तत्व दिएपछि समाजिक सँजालमा ट्रोल भएको हो ।

राज्यको चौथो अँगको रुपमा रहेको मिडियालाई सरकारी कामकाज, कार्यप्रगतिको भिडियो तस्विर खिच्न अनुमति लिनुपर्ने जस्ता वक्तत्व दिएको भन्दै सँचारकर्मीहरुले निन्दा गर्दै विरोध जनाएको छ ।

नगरपालिकाले आफ्नो बेतिथि लुकाउनको लागि पत्रकारमाथि अँकुश लगाउन खोजेको भन्दै मधेश प्रदेशका पत्रकारहरुले विरोध जनाएको छ । शाखा अधिकृत यादवको पनि विरोध गरिएको छ ।

नगरपालिकाको लेटरहेडमा लेखिएको सूचना अनुसार नगरपालिकाको साकारात्मक गतिविधिलाई मात्र समाचार लेख्नुपर्ने उल्लेख गरिएको छ । यसको चौतर्फी विरोध गरिएको हो ।