किसान आन्दोलन तताएका मधेश प्रदेशका कृषि राज्यमन्त्री यादवले गरे पदभार ग्रहण

न्यूज ब्यूरो, जनकपुरधाम । गत बर्ष जनमत पार्टीले गरेको एक महिने किसान आन्दोलनमा सडक तताएका नव नियुक्त कृषि राज्यमन्त्री सँजय यादवले पदभार ग्रहण गरेका छन् ।

शुक्रबार भएको मधेश प्रदेश सरकारको विस्तारको क्रममा उनलाई कृषि राज्यमन्त्रीको जिम्मेवारी दिएको थियो । आईतबार (आज) उनले पदभार ग्रहण गरेका हुन् ।

पदभार ग्रहण गर्दै उनले मधेशमा किसान आन्दोलनसहित विभिन्न अधिकारको आन्दोलनमा सहादत दिएका शहिदहरुलाई स्मरण गर्दै मधेशको कृषिमा नयाँ आयाम ल्याउने प्रतिवद्धता पनि जाहेर गरे ।

राज्यमन्त्री यादव सिरहाको निर्वाचन क्षेत्र नम्बर ३ (क) बाट निर्वाचित जनप्रतिनीधि हुन् ।