मधेशमा नागरिकसँग गृह तथा सँचारमन्त्री कार्यक्रम सँचालन गर्छौः मन्त्री सिँह

न्यूज ब्यूरो, जनकपुरधाम । मधेश प्रदेशका नवनियुक्त गृह तथा सञ्चारमन्त्री सत्रुधनप्रसाद सिंहले ‘नागरिकसँग गृह तथा सञ्चारमन्त्री कार्यक्रम’ सञ्चालन गर्ने बताएका छने ।

शुक्रबार मधेश प्रदेश सरकारको गृह तथा सँचारमन्त्रालयको कार्यभार सम्हाल्दै मन्त्री सिँहले नागरिकसँग प्रत्यक्ष सरोकार राख्ने योजनाले सो कार्यक्रम सँचालनमा ल्याउने पहिलो निर्णय गरिएको बताए ।

यस मन्त्रालयको पहिलो जिम्मेवारी प्रदेश प्रहरी प्रशासन र शान्ति सुरक्षा रहेकाल प्रदेशको शान्ति सुरक्षाको अवस्था के रहेको छ ? शान्ति सुरक्षा र सुव्यवस्थाको सन्दर्भमा नागरिकहरुको धारणा के रहेको छ भन्ने विषयमा नागरिकसमक्ष सम्पर्क विस्तार गर्ने, शान्ति, सुरक्षा र सुव्यवस्थालाई सुदृढ बनाउन सरोकारवालाहरूबीच अन्तरक्रिया गर्ने, पृष्ठपोषण प्राप्त गर्ने लगायतका क्रियाकल्प सञ्चालन गर्ने निर्णयमा भनिएको छ ।

‘नागरिक र मधेश प्रदेश सरकारबीच सुमधुर सम्बन्ध स्थापित गर्दै पारस्परिक विश्वास अभिवृद्धि गर्न प्रदेशमा शान्ति सुरक्षाको स्थिति, नागरिकसँग गृह तथा सञ्चार मन्त्री कार्यक्रम निरन्तररूपमा सञ्चालन गर्न उपयुक्त देखिन्छ ।’ निर्णयमा उल्लेख छ ।

उक्त कार्यक्रमको लागि चालु आर्थिक वर्ष २०७१।०८० को नीति तथा कार्यक्रम र बजेटमा समावेश नभएकाले विविध खर्च शीर्षकबाट कार्यक्रम सञ्चालन गर्ने समेत जनाएको छ ।

नेकपा एमाले पार्टीबाट मन्त्री बनेका सत्रुधन प्रसाद सिँह सिरहा जिल्लाका परिचित नेतृत्वमा गन्ती गरिन्छन् । राजनीतिक कौशलता मानिएका सिँहले आफ्नो क्षेत्रको नागरिकमा मन पराएका नेताहरुमध्ये एक हुन् । उनले गृह मन्त्रालय पाएपछि मधेश प्रदेशमा शान्ती सुरक्षाको लागि कुनै सम्झौता नगर्ने एक जिज्ञासामा बताए ।