मन्त्रालय र मन्त्री टुँगो लगाउन नेताहरुको कसरत जारी

न्यूज ब्यूरो, जनकपुरधाम । केन्द्र सरकारको मन्त्रीमण्डल विस्तारको लागि दलका नेताहरु अहिले कसरतमा लागेका छन् । त्यसको लागि उच्चस्तरीय राजनीतिक संयन्त्रको बैठक अहिले बसिरहेको छ ।

प्रधानमन्त्री निवास बालुवाटारमा जारी बैठकले मन्त्रालय भागबण्डाको टुंगो लगाउने छ । एमाले अध्यक्ष ओली संयोजक रहेको संयन्त्रमा सत्तारुढ दलका अध्यक्षहरु सदस्य छन् ।

यसअघि दिउँसो प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीले सत्ता गठबन्धनका दलले पाउने मन्त्रालयको संख्या मोटामोटी रुपमा टुंगो लगाएका थिए ।