जनकपुरः आफैँले चलाएको मोसाबाट लडेर एक जनाको मृत्यू

न्यूज ब्यूरो। जनकपुरधाम । आफैँले चलाएको मोसा (मोटरसाईकल) बाट लडेर एक जनाको मृत्यू भएको छ ।

धनुषाको धनुषाधाम नगरपालिका वडा नम्बर १ काशिपुर बस्ने अन्दाजी बर्ष ४० को शम्भु ठाकुरको ज्यान गएको प्रहरीले जनाएको छ । मृतक माओवादी पार्टीको नगर कमिटी सदस्य हुन् ।

सोमबार राती करिब ८ बजे धनुषाधामबाट घरजाने क्रममा बाटोमा भएको खाल्डोमा पर्दा अनियन्त्रित भएर भएको मोटरसाईकल दुर्घटनामा परी ठाकुरको ज्यान गएको हो ।