अब भोलीदेखि जनकपुर र विराटनगरबाटै श्रम स्वीकृति

न्यूज ब्यूरो, जनकपुरधाम । आइतबारदेखि जनकपुर र विराटनगरबाट श्रम स्वीकृति लिन सकिने भएको छ ।

मन्त्रिपरिषद्ले गत पुस ११ गते गरेको निणर्य कार्यान्वयन गर्ने क्रममा भोलिदेखि जनकपुर र विराटनगरबाट श्रम स्वीकृति लिन सकिने व्यवस्था गरिएको प्रधानमन्त्रीको सचिवालयले जनाएको छ ।

यसअघि काठमाडौं र उपत्यकाबाहिर पोखरा र भैरहवाबाट मात्रै श्रम स्वीकृति लिन सकिने व्यवस्था थियो ।

सुर्खेत र धनगढीबाट भने प्राविधिक तथा भौतिक तयारीपछि श्रम स्वीकृतिको दिने व्यवस्था गरिनेछ ।