निहारिका सिँहको मुद्दामा DNA टेष्ट गरेका विज्ञ झिकाउन अदालतको आदेश

२०७९ पौष २२ शुक्रबार
बिहान ०७:५७ बजे
न्यूज ब्यूरो, डेस्क

न्यूज ब्यूरो, जनकपुरधाम । महोत्तरी जलेश्वरकी निहारिका सिंह राजपुत मुद्दामा डीएनए जाँच गरेका विज्ञलाई झिकाउने आदेश भएको छ । 

उच्च अदालत जनकपुरका न्यायाधीश विष्णुप्रसाद कोइराला र सागर विष्टको संयुक्त इजलासले सो आदेश दिएको हो ।

राष्ट्रिय विधि विज्ञान प्रयोगशाला खुमलटारले निहारिकाको बच्चा र आरोपित महेन्द्रनगरका शिवराज श्रेष्ठसँग गत कार्तिक १८ गते ९९।९ प्रतिशत डीएनए मिलेको रिपोर्ट अदालतमा प्राप्त भएको थियो । 

अदालतले गत साउन ८ गते डीएनए जाँच गर्नका लागि आदेश दिएको थियो । अदालतमा सो सम्बन्धमा जाहेरीवलाको तर्फबाट वरिष्ठ अधिवक्ता सुनिता पोखरेल, अधिवक्ता शान्ति रिजाल, रिंकु कुमारी यादव र सह न्यायाधिवक्ता यदुनाथ शर्माले बहस गरेका थिए । 

प्रतिवादीको तर्फबाट वरिष्ठ अधिवक्ता श्याम मिश्रले बहस गरेका थिए । 

आगामी माघ १० गते विज्ञलाई अदालतमा झिकाइ बकपत्र हुने जाहेरवलाको वकिल रिंकु कुमारी यादवले जानकारी दिइन् । उनका अनुसार विज्ञको बकपत्र पछि अर्को पेशी तोकिने छ । त्यही अन्तिम पेशीमा फैसला आउने सम्भावना छ । निहारिकाले जिल्ला अदालत धनुषामा करणी भएको मुद्दा दिएकी थिइन् ।

अदालतले ०७८ माघ २४ गते करणी नभएको फैसला सुनाएको थियो । 

जिल्ला अदालतको फैसलाबाट चित्त नबुझेको भन्दै निहारिकाले ०७८ फागुनमा उच्च अदालत जनकपुरमा पुनरावेदन गरेकी थिइन् । उच्च अदालतले तोकिएको पेशी सुनुवाइ नगरेको र प्रतिवादीसँग अदालत मिलेको भन्दै उनले काठमाण्डुमा दोस्रोपटक आमरण अनशन गरेकी थिइन् । 

सोही क्रममा निहारिकाले राष्ट्रपति भवन अगाडि आत्मदाह गर्ने प्रयास गरेपछि मुद्दा फास्ट्रयाकमा अघि बढेको थियो । 

  • 0%
  • 0%
  • 67%
  • 0%
  • 0%
  • 0%

जनकपुरः बैँक म्यानेजरसहित चार जनामाथि ठगी मुद्दा 

  • २०७९ पौष २२ शुक्रबार

न्यूज ब्यूरो, जनकपुरधाम । सिद्धार्थ बैँक जनकपुरको पिडारीचोकस्थित शाखामा कार्यरत शाखा प्रबन्धक (ब्रान्च म्यानेजर) सहित चार जनामाथि ठगी मुद्दा दायर गरिएको छ ।  खाली चेकमा आफूखुसी रकम भरेर बैँकमा चेक बाउन्स

पूरा पढ्नुहोस्

Bureau Menus