जनकपुरः सुटर बोलाएर आफ्नै छोरा र ज्वाईले गराए दासको गोली दागी हत्या !

न्यूज ब्यूरो, जनकपुरधाम । गत पुस ९ गते धनुषामा भएको गोली काण्डमा उनकै छोरा र ज्वाईको सँलग्नता रहेको पाईएको छ ।

जिल्ला प्रहरी कार्यालय धनुषाले बुधबार दिउँसो पत्रकार सम्मेलन गरी धनुषाको मुखियापट्टी मुसरनिया गाउँपालिका वडा नम्बर का ४० वर्षीय धनुकधारी दासको हत्या सुटरमार्फत छोरा र ज्वाइँले हत्या गराएको खुलाएको छ ।

दासलाई सुटर बोलाएर हत्या गरेको आरोपमा उनकै छोरा, ज्वाईसहित एक प्रहरी हवल्दार समेत पक्राउ गरेका छन् । मृतक दासको जेठो छोरा २१ वर्षीय प्रदिप दास, महोत्तरी पिपरा गाउँपालिका वडा नम्बर ५ सरोडवा बस्ने मधेश प्रदेश प्रहरी कार्यालय जनकपुरमा कार्यरत प्रहरी हवल्दार ३४ वर्षीय उदय दास र नगराइन नगरपालिका वडा नम्बर २ बस्ने २१ वर्षीय रंजित कुमार यादव रहेको छ । रँजीय यादव सुटर रहेका छन् ।

मृतक दासको दुई ओटा श्रीमतीविच पटक–पटक विवादले गर्दा जेठी तिरको छोराले वुवाको हत्या गराएको रहस्य खुलेको छ ।

जिल्ला प्रहरी कार्यालय धनुषाका एसपी विश्वराज खड्काले पारिवारिक कलहले गर्दा छोराले वुवाको हत्या गराउन पाँच लाख रुपैयामा सुपारी दिएको प्रहरी समक्ष आरोपितले स्विकार गरेको बताए ।