जनमत पार्टीको दलको नेतामा सँजय यादवको पनि सम्भावना

न्यूज ब्यूरो, सिरहा । डा. सिके राउत नेतृत्वको जनमत पार्टी मधेश प्रदेश सभाको निर्णायक शक्तिको रुपमा उदाएको छ ।

प्रत्यक्षतर्फ ६ र समानुपातिक तर्फ ७ गरी १३ सिटसहित मधेश प्रदेश सभाको चौथो शक्तिको रुपमा जनमतको उदय भएको हो ।

यो आकलन कसैले गरेका थिएनन् । जनमत मधेशमा सरकारको नेतृत्वको दाबी गरिरहेको छ । प्रत्यक्ष र समानुपातिकसहित प्रतिनिधि सभामा ६ सिट जितेको जनमत संघीय सरकारमा पनि सहभागी हुने तयारीमा छ ।

यो प्रदेशसमा २२ सिटसहित दोस्रो दलको हैसियतमा सत्ता गठबन्धन घटक कांग्रेस नेतृत्वको सरकार बन्ने सम्भवाना छ । यद्यपि केन्द्रमा हुने सहमति अनुसार नै मधेश प्रदेशमा सरकार बन्ने देखिन्छ ।

यस्तोमा अवस्थामा कांग्रेस वा जनमतको नेतृत्व गर्ने सम्भावना पनि यथावत नै छ । तर जनमतले नेतृत्व नपाएको खण्डमा केन्द्र र प्रदेशमा महत्वपूर्ण मन्त्रालय लिने रणनीति छ ।

योसँगै मधेश प्रदेशमा जनमत पार्टीमा दलको नेताको लागि पनि लविङ सुरु भएको छ ।

जनमतमा पनि अरु दल जस्तै दलको नेताका आकंक्षी धेरै देखिएका छन् । तर, पार्टीको कार्यकारिणी समितिबाट प्रत्येक्ष तर्फ एक जना मात्रै निर्वाचित भएका छन् । उनी हुन जनमत पार्टीका केन्द्रिय सदस्य संजय कुमार यादव । सिरहा निर्वाचन क्षेत्र नम्बर २ (क) बाट हेवीवेट उम्मेदवार निवर्तमान कृषि मन्त्री बिजय कुमार यादवलाई पराजित गरेका नेतृत्वको रुपमा उदय भएका छन् ।

पार्टीको युवा मोर्चा समहालेका उनी महाधिवेशन बाट सबै भन्दा बढी मत ल्याएर केन्द्रिय सदस्यमा बिजय भएका थिए। त्यसैले पनि उनको नाम पहिलो नम्बरमा आउनुपर्ने ईच्छा उनका समर्थकहरुले जाहेर गरेका छन् ।

जनमत पार्टी भित्र दलको नेताको बन्ने भने निश्चित भैसकेको छैन तर छलफलहरु आ-आफ्नो तवर बाट चलिरहेको छ।

पार्टीका केन्द्रिय सचीव तथा सांसद यादव भन्छन्ः “योग्य व्यक्ति दलको नेतामा छनोट हुनु पर्छ भन्ने मेरो धारणा हो। यसका लागि बैठक बाट छलफल भै निर्णय हुने छ।” तपाईको इच्छा के त ? भन्ने प्रश्नमा संजय यादवले पार्टीले आफूलाई दलको नेता को जिम्मेवारी दिए नेतृत्व गर्न तयार रहेको बताए।

“दलको नेता बन्ने आकांक्षी पार्टी भित्र अन्य माननीयहरु पनि छन तर प्रवल सम्भावना भन्ने वहाकै देखिएको छ। प्रत्यक्ष ६४ र समानुपातिक ४३ गरी १०७ सिट रहेको मधेश प्रदेशसभामा २३ सिटसहित एमाले पहिलो, २२ सिटसहित कांग्रेस दोस्रो १६ सिटसहित जसपा तेस्रो हैसियतमा छ ।”– उनले भने ।

यद्यपी, जनमत पार्टीमा सुरुदेखि नै लगनशिल एवम् भिजनरी म्यान मानिएका ईन्जिनीयर बसन्त कुशवाहालाई पार्टीले समेत पूर्ण समर्थन दिएको बुझिएको छ । उमेर र योग्यता हिसाबले समेत जनमतले कुशवाहालाई दलको नेता बनाउने तरखरमा रहेको छ ।