बालविवाहको घटना रोक्न समाजिक परम्परा बाधकः जनप्रतिनीधिहरु

न्यूज ब्यूरो, जनकपुरधाम । बालविवाह रोक्नको लागि जनप्रतिनीधिहरुलाई समाजिक परम्परालाई मुख्य बाधक रहेको सुझाएका छन् ।

विहिबार धनुषाको शहिदनगर नगरपालिकाको शैक्षिक सभाहलमा बालअधिकार, बाल संरक्षण र बालविवाहको सन्दर्भमा राखिएको समिक्षा बैठकको क्रममा सहभागी जनप्रतिनीधिहरुले बालविवाहको घटना रोक्नको लागि समाजिक परम्पराले बाधा उत्पन्न गरेको बताएका छन् ।

बालविवाहको जानकारी आए लगत्तै रोक्नको लागि जाँदा प्रतिष्ठाको सवाल भन्दै बालविवाह रोक्न गाह्रो भएको सुझाएका छन् ।

विभिन्न स्थानीय तहको मेयर, उपमेयर, कर्मचारीहरु सम्मलित समिक्षा बैठकमा बालविवाको बारेमा स्थानीय प्रशासनलाई समेत यहाँको परम्पराले रोकिराखेको बताएका छन् ।

बालबालिका क्षेत्रमा कार्यरत आसमान नेपाल र प्लान नेपालको आयोजनामा राखिएको समिक्षा कार्यक्रममा विभिन्न स्थानीय तहका प्रमुख, उपप्रमुखहरुले बालविवाहको लागि कानुन अझै कार्यन्वयनमा दिक्दारी भएको बताएका थिए ।

प्रहरीलाई बालविवाहको बारेमा जानकारी गराउँदा सम्बन्धित टोल, छिमेक र स्थानीय नागरिकले अडान लिएर विवाह गराउने गरेको बताएका छन् । यसको लािग स्थानीय सरकारले कानुनको बारेमा जति सुझाएपनि अपेक्षाकृत रुपमा लागू हुन नसकेको बताएका छन् ।

उनीहरुले उच्च शिक्षाको व्यवस्था स्थानीय स्तरमै सहज भएको अवस्थामा बालविवाहको घटना न्यूनिकरण हुने दाबी समेत गरेका थिए । खास गरी छोरीलाई कलिलो उमेरमै विवाह गर्ने प्रचलनले समाजलाई धक्का पुगेको बताए ।

बाल संरक्षणको लागि कानुन आएपनि त्यसलाई व्यवहारमा उतार्नको लागि यो समाजले अझै अबुझ भएको बताएका छन् ।

शहिदनगर नगरपालिकाका मेयर दिनेश प्रसाद यादवको अध्यक्षता एवम् कमला नगरपालिकाका मेयर विशेश्वर प्रसाद यादवको प्रमुख आतिथ्यमा आयोजना गरिएको सो कार्यक्रममा सरोकारबालाहरुले प्रशासन, जनप्रतिनीधि र स्थानीय सरकार तीनै तहबाट यसको लागि कठोर पहल भए मात्र थप न्यूनिकरण हुने बताएका थिए ।

बालविवाहको सन्दर्भमा कमला नगरपालिकाकी उमपेयर शिलादेवी मण्डल, शहिदनगर नगरपालिकाकी उपमेयर सुनिता सिँह, सबैलाकी रहिमा खातुन, विदेहकी आशा देवी झा लगायतले बालविवाहको समस्याप्रति प्रकाश पारेकी थिइन् ।

सो कार्यक्रममा कमला नगरपालिकाका प्रमुख प्रशासकीय अधिकृत सुबोध ठाकुर, विदेहका अधिकृत सँजीव कुमार साह, शहिदनगरका अधिकृत सावन चौधरी लगायतका वक्ताहरुले प्रशासनीक समस्यासहित उपायहरुबारे जनप्रतिनीधिलाई सुझाएका थिए ।

कार्यक्रम शहिदनगर नगरपालिकाका शिक्षा शाखा प्रमुख विश्वनाथ यादवले सँचालन गरेका थिए भने विभिन्न सँघ सँस्थाहरुसहित आयोजक सँस्थाका प्रतिनीधिहरुले समस्या टिपोट गरेका थिए ।