नगर प्रमुखको सराहनीय कदम, छात्राहरुलाई विद्यालय जान साईकल प्रदान

न्यूज ब्यूरो ||
रौतहट, ११ बैशाख । रौतहटमा छात्राहरुलाई विद्यालयसम्म जान सहजता होस भन्ने उदेश्यले साईकल सहयोग गरिएको छ ।

रौतहटको कटहरिया नगरपालिकाको सहयोगमा छात्राहरु लाई विद्यालय जान सहयोग पुगोस भन्ने उदेश्यले साईकल सहयोग गरिएको हो ।

कटहरिया नपा ५ मा रहेको जनता मा बी कटहरियाको प्रांगनमा मंगलवार एक समारोह कक्षा ९ मा अध्ययनरत छात्राहरु लाई साईकल वितरण गरीएको हो ।

कटहरिया नगरपालिका प्रमुख सियाराम कुशवाहा फिरोजको अध्यक्षता तथा बिशिष्ट अतिथि उपप्रमुख नुरजहा खातुनको उपस्थितीत्यमा ७६ जना छात्राहरुलाई साईकल वितरण गरीएको जनता मावी कटहरियाका प्रधानाध्यापक चुल्लाई राय यादवले जानकारी दिए ।

नगरकी छात्राहरुलाई विद्यालयसम्म पुग्न सजिलो तथा विद्यालयमा शतप्रतिशत पहुँच बढाउको लागि साईकल योग्दानले नगरको शैक्षिक अवस्था झन बलियो हुने समाजसेवी एवम यूवा नेता नसरूदिन अंसारीले बताए ।

चालु आर्थिक वर्षमै नगर भित्रकै अन्य विद्यालयहरुमा समेत गरी ३ सय छात्राहरुलाई साईकल प्रदान गर्ने लक्ष्य राखिएको हो ।

साईकल प्रदान अति विपन्न, जेहेन्दार र दलित तथा विद्यालयसम्म बढी दुरी पार गर्ने छात्राहरुलाई मात्र प्रदान गरिने जनाइएको छ ।

नगरको यस्ता कार्यलाई स्थानीयवासीहरु प्रशँसा गरेका छन् भने प्रदेश २ का मुख्यमन्त्री मो. लालबाबु राउतको बेटी बचाउ, बेटी पढाउ अभियानमा थप उर्जा थपिएको हो ।