स्थानीय तहमा जनमतका नेताहरुको निगरानी, समयमै किसानलाई मल दिन दबाब

न्यूज ब्यूरो, सिरहा । सिरहामा जनमत पार्टीका नेता कार्यकर्ताहरुले किसानको लागि गस्ती सुरु गरेको छ ।

डा. सिके राउत नेतृत्वको जनमत पार्टीका कार्यकर्ताहरुले स्थानीय तहहरुमा किसानलाई समयमै मल खाद्य र बीउ उपलब्धताको लागि दबाद दिन थालेका छन् ।

सोही क्रममा सिरहाको नरहा गाउँपालिकामा किसानहरूलाई समयमा मल खाद र गहुँको बीउ उपलब्ध गराउन ज्ञापन पत्र बुझाएको छ ।

नरहा गाउँपालिका जनमत पार्टीका अध्यक्ष नागेन्द्र यादव र सचिब अन्जनी कुमार शर्माले गाउँपालिकाका अध्यक्ष राम प्रमोद यादवलाई ज्ञापन पत्र बुझाएको हो ।

बिगतको समयमा जनमत पार्टीले गरेको किसान आन्दोलनको सम्झना गराउदै बिगतमा धान रोप्ने समय र आहिले गहुँ रोप्ने समय रहेको तर समयमा किसानले मल खाद र बीउ नपाउनु दुर्भाग्य पूर्ण रहेको र यस प्रति सुधारको आवश्यकता रहेको भन्दै ज्ञापन पत्र बुझाएको हो।

ज्ञापन पत्रमा बिगतमा देखिएको मल खाद अभावलाई ध्यानमा राखी तोकिएको विवारणमा ५० प्रतिशत थप गरि सबै वडाहरूमा यथासिघ्र प्रयाप्त मलको निकासा गर्नु, निकासा गरिसके पछि वडा अध्यक्ष मार्फत किसानलाई मल खाद पुगे नपुगेको बुझ्नुपर्ने, तोकिएको दर रेट भन्दा बढी मूल्यमा कुनै स्थानीय डिलरले मल खाद बेच बिखन गरेको पाइएमा दर्ता खारेज गर्ने माग गरेको हो ।