कमला नगरपालिकामा शिक्षकहरु आजदेखि धर्नामा, मेयर र वडाध्यक्षहरुलाई छैन मतलब

न्यूज ब्यूरो, जनकपुरधाम । धनुषाको कमला नगरपालिकामा शिक्षकहरुले आजदेखि नगरपालिकाको कार्यालय अगाडी धर्ना दिन सुरु गरेको छ ।

चालु आर्थिक बर्षको ५ महिना वितिसक्दा पनि अहिलेसम्म कुनै प्रकारको तलबभत्ता नपाएको भन्दै शिक्षक कर्मचारीहरु आन्दोलित भएका छन् ।

शिक्षक कर्मचारीहरु पटक पटक विद्यालय निर्वाध सँचालनको लागि समयमै तलबभत्ता उपलब्ध गराउनुपर्ने माग राखेपनि कमला नगरपालिकाका मेयर विशेश्वर प्रसाद यादव टार्दै आएका छन् ।

यसअघि समेत तालाबन्दी गर्ने तरखरमा रहेका शिक्षक कर्मचारीहरुलाई मेयर यादवले ललाई फकाई गरी तालाबन्दी गर्न दिएनन भने उनीहरुको समस्या समेत समाधान गर्न सकेनन् ।

तलबकै भरमा घर परिवार चलाउने समुदायिक विद्यालयका शिक्षकहरुले विगत ५ महिनाको तलब पाउनुपर्ने भन्दै आन्दोलित भएका थिए । यसअघि बालबालिकाहरुको भविष्यलाई हेर्दै शिक्षकहरुले विद्यालय निरन्तर सँचालन राखेपनि अब विद्यालयको पठन पाठन नै ठप्प पार्ने चेतावनी दिएको हो ।

यो पनि पढनुहोस्

यस साताभित्र तलबभत्ताको लागि नगरपालिका सँचालन सुचारु नभए चरणबद्ध आन्दोलन अनुरुप नगरभरिको विद्यालय बन्द गर्ने चेतावनी दिएको हो । यसबारे मेयरलाई जानकारी भएपनि कुनै अधिकारिक बयान भने दिएका छैनन् ।

कमला नगरपालिका वडा नम्बर ३ का वडाध्यक्ष राम भगत यादव, वडा नं. ८ का वडाध्यक्ष तृपित भुडेरले योजना पेश नगर्दा नगरपालिका सँचालन हुन सकेको छैनन् भने उनीहरुले अधिकृत सुबोध कुमार ठाकुरले हरहिसाब पारदर्शीको अडान राखेपनि हाकिमले अझैसम्म हरहिसाब दिएका छैनन् ।

स्थानीय तह निर्वाचनको यस दोस्रो निर्वाचनपछि निर्वाचित भएका मेयर यादव कमला नगपालिकाको असफल मेयरको रुपमा परिचय दिन थालेका छन् । जनताले असल नेतृत्व खोजेपनि उनले जनभावना बमोजिम काम गर्न नसक्दा चौतर्फी आलोचना मात्र नभई अब गाली गलौच समेत खान थालेका छन् ।

जनमतको कदर नगरेको भन्दै मेयर यादवमाथि शिक्षकहरु समेत आक्रोसित बनेका छन् । जनताले विकास उचीत समयमा अनुकुल विकासको लालसाले मेयरमा यादवलाई जिताएपनि उनले आफना नगारिकलाई रतिभर पनि सम्मान दिएका छैनन् ।