रौतहटको दुई मतदान केन्द्रमा गोलि चल्यो

न्यूज ब्यूरो, रौतहट । रौतहटको छुटाछुटै दुई वटा मतदान केन्द्रमा गोलि चलेको छ। जिल्लाको गुजरा नगरपालिका ४ को मावि कनकपुर र गरुडा नगरपालिका ६ अमरपटी प्रावि मतदान केन्द्रमा गोलि चलेको प्रहरीले जनाएको छ।

गुजराको कनकपुरमा जारी मतदान केन्द्र बाहिर वादबववाद भएर हुलहुजत हुन थालेपछीप्रहरीले एक राउन्ड गोलि चलाएको छ।

त्यस्तै गरुडाको अमरपटी मतदान केन्द्र भित्र पोलि एजेन्ट राख्ने बिषयमा वादबववाद हुन थालेपछी प्रहरीले दुई राउन्ड गोलि चलाएर स्थिती नियन्त्रणमा लिएको प्रमुख जिल्ला अधिकारी कृष्णबहादुर शाहिले बताएका छन्।

अहिले दुबै मतदान केन्द्रमा मतदान शान्ती पुर्ण तरिकाले सुचारु रहेको प्रजिअ शाहिले बताए।