भोलीदेखि ३ दिनसम्म नेपाल-भारत बोर्डर बन्द हुने

न्यूज ब्यूरो, जनकपुरधाम । भोली विहिबारदेखि आगामी मँसिर ४ गते राती १२ बजेसम्मको लागि भारतसँग जोडिएको सीमानाकाहरु बन्द हुने भएका छन् ।

मंसिर ४ गते हुने प्रतिनिधिसभा र प्रदेश सभा निर्वाचनलाई लक्षित गरी भारतसँग जोडिएका नाका बन्द हुने भएका छन्।

मंसिर १ गते राति १२ बजेदेखि मंसिर ४ गतेसम्म ३ दिन भारतसँग जोडिएका सीमा बन्द गरिन लागेको हो ।

प्रतिनिधिसभा र प्रदेश सभा सदस्य निर्वाचनलाई स्वतन्त्र, निष्पक्ष एवं भयरहित वातावरणमा सम्पन्न गर्न ७२ घण्टा नाका बन्द हुने स्थानीय प्रशासनले जनाएका छन् । पर्साका प्रमुख जिल्ला अधिकारी उमेशकुमार ढकालका अनुसार भारतसँग जोडिएको पर्साका सबै नाका बन्द रहनेछन्।

यसअघि नै स्थानीय प्रशासनले जिल्लामा प्रतिनिधिसभा र प्रदेश सभाको मतदान सम्पन्न नभएसम्म मदिरा ओसारपसार, बिक्री वितरण र सेवन गर्न प्रतिबन्ध लगाइसकेको छ।