'म नेताभन्दा असल नेतृत्व हुँ, जनताले नेतृत्व खोज्दैछ': उम्मेदवार साह

न्यूज ब्यूरो, जनकपुरधाम । धनुषा निर्वाचन क्षेत्र नम्बर ३ (ख) बाट स्वतन्त्र उम्मेदवारी दिएका उम्मेदवार अम्भु प्रसाद साहले आफू नेता भन्दा पनि असल नेतृत्वको भूमिकामा चुनावमा उत्रेको बताएका छन् ।

जनकपुरधाम उद्योग वाणिज्य सँघका उपाध्यक्ष समेत रहेका उम्मेदवार साहले आफ्नो घरदैलो अभियानलाई तिव्रता दिँदै अन्यले झुठफुसको आश्वासन बाँडेपनि आफू गर्न सक्ने भिजनरी कार्य मात्र नागरिकलाई बताउने गरेको बताए ।

निर्वाचन क्षेत्र नम्बर ३ (ख) बाट उनले स्वतन्त्रत उम्मेदवारीमा लाल्टिन छाप चुनाव चिन्ह पाएका छन् । उनले अहिले लाल्टिन लिएर घरदैलोसहित स्थानीय व्यापारीहरुसँग रात्रिकालिन छलफल समेत गर्न थालेका छन् ।

जनकपुरधाम उद्योग वाणिज्य सँघ जस्तो व्यापारीहरुको छाता सँगठनलाई सम्हाल्दै आएका उम्मेदवार साहले निर्वाचन क्षेत्र नं. ३ (ख) व्यावसायिक र व्यापारिक क्षेत्र भएकोले यहाँका व्यापारीहरुले आफूलाई चयन गर्नेप्रति विश्वास जनाए ।

मधेश प्रदेशको राजधानी जनकपुरधाम जस्तो क्षेत्रमा व्यापारिक लाइन मन्दी रहेको अवस्थामा उपाध्यक्षको हैसियतले विभिन्न निकायसँग सहकार्य जारी राखेको भन्दै आगामी मँसिर ४ गते हुन लागेको प्रदेशसभा तथा प्रतिनीधिसभा चुनावमा आफूलाई लाल्टिन छापमा मतदान गर्न आग्रह उनले गरे ।

युवाशक्तिलाई व्यापारिक क्षेत्रमा लगान गर्न आफ्नो उम्मेदवारी रहेको उनले बताए । उनले भने, –“सबैले मिथ्या आश्वासन बाँडदैछन किनभने उनी नेता हुन, म जति सक्छु त्यही भन्छु म नेताभन्दा असल नेतृत्व बन्ने प्रयासमा छु र जनतालाई अब नेता होइन नेतृत्वको जरुरी छ ।”

जनकपुरधामका व्यापारीहरुको ठुलो समर्थन रहेको अम्भु प्रसाद साहले दलगत भन्दा स्वतन्त्र उम्मेदवारीबाटै मत ल्याउने दाबी गरेका छन् ।