विद्यार्थीलाई प्रोत्साहन गर्न अधिकृत महतोले गरे आमाबुवाको नाममा ५० हजारको अक्षयकोष स्थापना

न्यूज ब्यूरो, सिरहा । धनुषाको धनौजी गाउँपालिकाका अधिकृत (उप–सचिव) रामकिशोर महतो र उनका दाई (शिक्षक) ले आमाबुवाको नाममा ५० हजारको अक्षयकोष स्थापना गरेका छन् ।

सिरहाको नरहा गाउँपालिकास्थित रहेको जनता बनवाली नमूना माध्यमिक (प्राबिधिक) विद्यालय बर्छावा नरहाको पूर्व बिधार्थी समाजले मिति शनिबार आयोजना गरेको शुभकामना आदान प्रदानको क्रमममा अधिकृत महतो र उनका दाई किशोरी महतोले सँयुक्त रुपमा आफ्नो आमाबुवाको नाममा अक्षयकोष स्थापना गरेका हुन् ।

महतो दाजुभाईले सो विद्यालयबाट १२ कक्षा पास गर्ने उत्कृष्ट २ जना बिधार्थी ( १ छात्रा र १ छात्र) लाई २÷२ हजार रुपैया प्रोत्साहन दिने घोषणा गरेका हुन् ।

महतो दाजुभाईले आफ्नो बुवाआमाको नाममा विद्यार्थीहरुलाई प्रोत्साहन गर्नको निम्ती ५० हजार रुपैयाँको अक्षयकोष स्थापना गरेको जनाए ।

५० हजार बराबरको रकमको चेक सोही विद्यालयका प्रधानाध्यापकलाई सोही कार्यक्रम मार्फत हस्तान्तरण गरेका थिए ।