क्षेत्र नं. ३ मा नेतालाई जिताउने हो, पैसावालालाई होइनः उम्मेदवार झा

न्यूज ब्यूरो, जनकपुरधाम । धनुषा निर्वाचन क्षेत्र नम्बर ३ बाट लोसपाका प्रतिनीधिसभा उम्मेदवार अनिल कुमार झाले जनताको लागि लडने नेतालाई जिताउन आग्रह गरेका छन् ।

उनले चुनावी माहौलमा नेता भन्दा पैसावालालाई जनताहरुले भोँट दिँदा ५ बर्षसम्म पछुताउनु परेको अवस्था रहेको बताउँदै उनले जनताको लागि लडने नेतालाई जिताउन आग्रह गरेका छन् ।

धनौजीमा गठबन्धनको चुनावी प्रचार प्रसार सम्बन्धमा राखिएको नगरस्तरीय भेला तथा पार्टीका कार्यकर्ता भेटघाट कार्यक्रमलाई सम्बोधन गर्दै झाले जनताको माझ रहने नेतालाई मात्र मत दिनुपर्ने बताए ।

उनले हैकमवादी प्रवृतिको पार्टी विरुद्ध सबै मिलेर जनताको लागि लडने नेतृत्वलाई छनौट गर्न आग्रह गरे । उनले गठबन्धनका उम्मेदवारको लागि मत मागे ।

“मैले राजानितिक गर्ने समयमा कहिले पनि यो सोचन की मेरो क्षेत्र होइन, सिँगो मधेश नै मेरो क्षेत्र हो । म यहाँको लोकल हुँ । जहिले पनि मधेशी जनताको लागि लडदै आएको छु ।”

क्षेत्र नम्बर ३ (क) बाट प्रदेश साँसदका उम्मेदवार राम सरोज यादव र (ख) बाट उम्मेदवार परमेश्वर साहले समेत गठबन्धनको लागि भोँट लागे ।

कार्यक्रममा लोसपाका जिल्ला सचिव जिबेन्द्र झा ,धनौजी गाउँपालिका काँग्रेस सभापति राम नारायाण यादव , वडा नं. २ को काँग्रेस सभापति उदय साहसहितका नेता लागायात सयौँको सँख्यामा नेता कार्यकर्ताहरुको उपस्थिति रहेको थियो ।