मधेशको राजविराजमा एमालेको शक्ति प्रदर्शन, ओली भने,-'सरकार जनहितमा काम गर्न सकेनन'

न्यूज ब्यूरो, राजविराज । केपी ओली नेतृत्वको नेकपा (एमाले) ले मधेश प्रदेशको राजविराजमा शक्ति प्रदर्शन गरेको छ ।

एमाले निकट युवासङ्घले आज सप्तरीको कञ्चनरुप नगरपालिका वडा नम्बर १२ स्थित धर्मेश्वर खेलमैदानमा आयोजना गरेको सभामा हजारौँका सँख्यामा सर्वसाधारण ओरालेर शक्ति प्रदर्शन गरेको हो ।

सो सभालाई सम्बोधन गर्दै अध्यक्ष ओलीले वर्तमान सरकारले जनताको हितमा काम गर्न नसकेको आरोप लगाए । वर्तमान सरकार चलेको १४ महिनामा अर्थतन्त्रलाई नै कमजोर पार्ने काम गरेको आरोप लगाए ।

उनले एमाले समृद्ध नेपाल बनाउने पक्षमा रहेको भन्दै अहिलेको गठबन्धन सरकारले भ्रष्टाचारलाई मात्र बढावा दिएको आरोप लगाए ।

अगामी चुनाव शान्तिपूर्ण एवं धाँधलीरहित सम्पन्न हुनुपर्नेमा उनले जोड दिए ।

राष्ट्रिय हितको पक्षमा एमाले सधैँ बोल्ने पार्टी भएको भन्दै अध्यक्ष ओलीले युवालाई देशमै रोजगारको सिर्जना हुनुपर्ने बताए ।