धनौजीमा बिना पूर्वाधारकै बर्थिङग सेन्टर, छैनन कुनै सुविधा

न्यूज ब्यूरो, जनकपुरधाम । धनुषाको धनौजीस्थित उदघाटन गरिएको बर्थिङग सेन्टर बिना पूर्वाधारकै सँचालनमा ल्याएको छ ।

आधारभूत पूर्वाधार तथा औजार मेसिनहरुको आवश्यकता परेकोमा पूर्वाधार बिनाको बर्थिङग सेन्टरको उदघाटन गरिएको हो ।

उदघाटन गरिएको बर्थिङग सेन्टरमा आधारभूत आवश्कयतालाई समेत ख्यालै नगरी हडबडमा उदघाटन गरी नागरिकलाई ठगेको आरोप लोसपाका युवा नेता एवम् वडासदस्य रोशन मिश्रले लगाए ।

उनले भने, “म नि एउटा जितेको प्रतिनिधि हुँ, तर मेरो वडा अध्यक्ष र मेयरले आफ्नो मनोमानी मात्रै गर्छन, सस्तो लोकप्रियताको लागि मात्र हडबडमा बिना पूर्वाधारको बर्थिङग सेन्टरको उदघाटन गरिएको छ ।”

बर्थिङ सेन्टरमा २४ सै घण्टा सेवा दिनुपर्ने भएकोले त्यसको लागि चाहिले आधारभूत पूर्वाधारमा कुनै स्वास्थ्य कर्मचारी, औषधी समेत उपलब्ध नरहेको आरोप मिश्रले लगाए ।

बर्थिङग सेन्टरका कर्मचारीहरु आफैँ हप्तामा ४ दिनसम्म विदामा बस्दा अझै यहाँका वासिन्दाहरुले बर्थिङग सेन्टरको अनुभूति गर्न नसकेर बाध्यतावंश प्रस्तुतिको लागि जनकपुर नै गईरहेको देखिएको छ
।