यानका युवाहरुले भारतको दिल्लीमा पनि मनायो 'कालो दिवस'

न्यूज ब्यूरो, जनकपुरधाम । असोज ३ लाई कालो दिवस भन्दै युथ एशोसिएशन अफ नेपाल (यान) सँग आवद्ध युवाहरुले छिमेकी मुलुक भारतको दिल्लीमा पनि संविधानको विरोध गरेका छन् ।

दिल्लीस्थित ग्रेटर नोयडा, एनसिआर दिल्ली सहित उत्तर प्रदेशमा समेत मधेश मूलका नेपाली युवाहरुले संविधानको विरोध गर्दै प्रदर्शन गरेका छन् ।

यान पूर्व केन्द्रिय सचीव मनोहर यादवको नेतृत्वमा युवाहरुले असोज ३ गतेलाई कालो दिवसको रुपमा मनाएको हो ।

मधेशीहरुको छाती र टाउकोमा गोली दागी रक्तले लतपत भएर संविधान जारी गरिएको भन्दै असोज ३ गतेलाई कालो दिवसको रुपमा मनाउँदै आएको बताएका छन् ।

यान सदस्य सचितानन्द साह, जय राज साह, सुमन झा, यशराज सरौफ लगायत दुइ दर्जन मधेसी युवाहरूको उपस्थिति रहेको थियो।