वीरगँज जेलबाट ३८ कैदीले पाए माफी 

न्यूज ब्यूरो, जनकपुरधाम । सिद्धार्थ बैँक जनकपुरको पिडारीचोकस्थित शाखामा कार्यरत शाखा प्रबन्धक (ब्रान्च म्यानेजर) सहित चार जनामाथि ठगी मुद्दा दायर गरिएको छ । 

खाली चेकमा आफूखुसी रकम भरेर बैँकमा चेक बाउन्स गराई ठगी गरेको आरोपमा जनकपुरको पीडारीचोकस्थित सिद्धार्थ बैँकका शाखा प्रबन्धक अजय कुमार यादवसहित चारमाथि मुद्दा दायर गरिएको हो । 

आरोपित व्यक्ति भनिएको अभिनन्दन कुमार यादवसँग कुनै पनि प्रकारको कारोबार नै नभएको अवस्थामा पार्टीको भुक्तानीको लागि दिएको चेकमा बैँक म्यानेजर अजय कुमार यादवले आफ्नो सालोको नाम राखेर ९६ लाख रुपैयाँको रकम काटेपछि चेक बाउन्समा पारी ठगी गर्न खोजको आरोपसहित जिल्ला प्रहरी कार्यालय महोत्तरीमा मुद्दा दर्ता गरिएको हो । 

विहिबार चेक चोरी गरी ठगी गरेको शिर्षकमा धनुषाको सबैला नगरपालिका वडा नम्ब ९ बस्ने बर्ष ३५ को अभिनन्दन कुमार यादव, महोत्तरीको भँगहा नगरपालिका वडा नम्बर ९ हरिनमरी बस्ने बर्ष ३९ को दिलिप भन्ने बसन्त कुमार यादव, धनुषाको लक्ष्मिनीयाँ गाउँपालिका वडा नम्बर १ बस्ने मुखि यादवको छोरा बर्ष ६३ को विश्वनाथ यादव र सिद्धार्थ बैँक लिमिटेड जनकपुरधाम रामानन्दचोक शाखामा मैनेजर पदमा कार्यरत अजय कुमार यादवमाथि ठगी मुद्दा दायर गरिएको हो । 

मुद्दामा उल्लेख बमोजिम गत बर्ष माघ २५ गतेमा उनले दिएको खाली चेकमा पार्टीका नाम नदिएर अजय कुमार यादवले आफ्नो सालो अभिनन्दन कुमार यादवको नाममा चेक काटी ठगी गरेको छ । निवेदक भनिएका राजीव कुमार यादवले आफू कार्तिक ३ गते मात्र सो कुरा थाहा पाएको उल्लेख छ । 

महोत्तरीको बर्दिवास नगरपालिका वडा नम्बर १३ बिजलपुरास्थित निवेदक राजीव यादवले सँचालन गरेको जय बाबा ठाकुर बासिँग सेन्टर नामक क्रसर उद्योगमा आरोपित अजय कुमार यादव र उनका बुवा विश्वनाथ यादवले लगानीको लागि ईच्छा देखाएकोमा अजय बैँकमा व्यस्त र आफू समेत कार्यमा व्यस्त भएको हुनाले सहमतिमै मुन्सी राख्ने प्रस्ताव बमोजिम अर्का आरोपित दिलिप भन्ने बसन्त कुमार यादवलाई मुन्सीको रुपमा राखिएकोमा उनले नै चेक हिनामिना गरी ठगी गरेको आरोप छ । 

अजय र उनका बुवा विश्वनाथले नै चिताएका बसन्त कुमार यादवलाई मुन्सी राखेर आफूसँग ठगी गरेको मुद्दामा उल्लेख छ । आफू बाहिर जाँदा मुद्दामा विपक्षी भनिएको बसन्तकै जिम्मामा पसलको काउण्टरमा चेक छाडने गरेको बताईएको छ । 

मुन्सी बसन्तले राजीवले दिएको सबै चेकहरु पार्टीहरुलाई दिएर सकिएको भन्दै अर्को चेक मागेका थिए । राजीवले चेकमा मात्र साईन गरेर खाली चेक दिएका थिए । पार्टी पेमेन्टको लागि विश्वास गरिएका मुन्सी बसन्तलाई राजीवले ज्योति विकास बैँकको क्रसरको नाममा रहेको चेक दिएका थिए । सो बखत अजयका सालो भनिएका अभिनन्दन कुमार यादव सोही पसलको काउण्टरमा रहेर चेक चोरी गरेको आरोप छ । 

सो चेकमा अभिनन्दन कुमार यादवले क्रसरको बैँक खातामा समेत नरहेको जति रकम राखेर बैँकमा दिएका थिए तर, बैँक खातामा पर्याप्त रकम नभएपछि चेक फिर्ता गर्दै ज्योति बिकास बैँकले राजीवलाई क्रसरको नाममा पत्र काटेको थियो । राजीवले आफूले त्यति रकमको चेक नै नदिएको भन्दै जवाफ फर्काएपनि अजय र अभिनन्दन मिलेर चेक बाउन्स गराई ठगी गरेको आरोप छ । 

निवेदक राजीव यादवले अभिनन्दन यादवसँग कुनै चिनजान नभएको उल्लेख गरेका छन् । उनले अजय कुमार यादवको सालो भनेर कहिलेकाँही क्रसरमा आउने गरेको बताएका छन् । अभिनन्दन कुमार यादवसँग कुनै प्रकराको कुनै कारोवार नभएको र नरहेको प्रष्टयाउँदै अभिनन्दनको नाममा चेक कसरी काटयो भनेर आफू नै चकित भएको उल्लेख गरेका छन् । 

निवेदक राजीव यादवले अभिनन्दन यादव, अजय कुमार यादव, विश्वनाथ यादव र बसन्त कुमार यादव मिलेर ठगी गरेको भिडियो प्रमाण समेत रहेको मुद्दामा उल्लेख गरिएको छ । उनले पेनड्राईभमा भिडियो प्रमाण समेत पेश गरेपछि मुद्दा दर्ता गरिएको हो । 

भिडियोमा अजय कुमार यादवले आफूले चेक काटेर पेश गर्न लगाएको स्वीकारोक्ती रहेको बताइएको छ । जिल्ला प्रहरी कार्यालय महोत्तरीमा मुद्दा दर्ता गरिएको हो । 
यता, आरोपितमध्ये अजय कुमार यादवले सो प्रकरणमा आफ्नो कुनै सँलग्नता नभएको प्रतिक्रिया दिएका छन् । उनले मुद्दा हालेपछि सबै कुरा अदालतमै टुँगो लाग्ने प्रतिक्रिया दिए । 

यसका साथै, आरोपित अजय यादवले राजीवले अभिनन्दनलाई दिएको चेकमा आफूलाई बिना कारण फँसाउन खोजेको आरोप लगाएका छन् । सो चेकको सन्दर्भमा आफ्नो कुनै सँलग्नता नभएको प्रतिक्रिया दिए । 

निवेदकले जिल्ला प्रशासन कार्यालय महोत्तरीमा जीउ ज्यानको सुरक्षाको माग गर्दै समेत निवेदन दिएका छन् । आरोपितहरुले धाकधम्की दिन थालेपछि उनले प्रशासन गुहारेको बताईएको छ ।