शिक्षक लाईसेन्सको परीक्षामा मधेशबाट सबभन्दा कम शिक्षक पास

न्यूज ब्यूरो, जनकपुरधाम । शिक्षक सेवा आयोगले लिएको शिक्षक अध्ययापन अनुमति पत्र (लाईसेन्स) को लागि लिएको परीक्षामा मधेश प्रदेशको सबभन्दा कम रिजल्ट आएको छ ।

शिक्षक सेवा आयोगले गत साउन २८ गते लिएको निम्न माध्यमिक तहको शिक्षक लाईसेन्सको परीक्षामा सातवटै प्रदेशमध्ये मधेश प्रदेशको शिक्षकहरुको नतिजा सबभन्दा कम आएको छ ।

बुधबार प्रकाशित शिक्षक लाईसेन्सको परीक्षाको नतिजा अनुसार मधेश प्रदेशबाट कुल २५ हजार ८१ जना दिएको परीक्षामा मात्र २ हजार ६ सय ५७ जना पास भएका छन् । जुन कुल १०.५९ प्रतिशत रहेको छ ।

प्रदेश नम्बर १ बाट कुल ३१ हजार ६ सय ८८ जना शिक्षकले दिएको परीक्षामा ६ हजार ४ सय १९ जना शिक्षक पास भएका छन् । जुन कुल २०.२६ प्रतिशत रहेको छ ।

बागमति प्रदेशबाट कुल २६ हजार २ सय ८२ जना दिएको परीक्षामा कुल ६ हजार ५ सय १९ जना पास भएका छन् भने गण्डकी प्रदेशबाट कुल शिक्षक १७ हजार ७६ जना दिएको परीक्षामा कुल ३ हजार ७ सय ५१ जना पास भएका छन् ।

लुम्बीनि प्रदेशबाट कुल शिक्षक ३५ हजार १ सय ७३ जना परीक्षा दिएकोमा कुल ७ हजार ३ सय ५ जना पास भएका छन् । जुन कुल प्रतिशतको २०.७७ रहेको छ ।

यस्तै, कर्णाली प्रदेशबाट कुल दिएको २४ हजार ६ सय १३ जना दिएको परीक्षामा कुल ३ हजार २ सय ४४ जना शिक्षक पास भएका छन् । जुन कुल प्रतिशतको १३.१८ रहेको छ ।

सुदुरपश्चिम प्रदेशबाट शिक्षक लाईसेन्सको लागि कुल २१ हजार ६ सय ५६ जना शिक्षकले दिएको परीक्षामा कुल ३ हजार २ सय ६३ जना शिक्षक उतीर्ण भएका छन् । कुल प्रतिशतको १५.७ प्रतिशत रहेको छ ।

मधेश प्रदेशबाट मात्र २५ हजार ८१ जना शिक्षकले शिक्षक लाईसेन्सको लागि दिएको परीक्षामा कुल २ हजार ६ सय ५७ जना मात्र पास भएका छन् ।