नेपाल-भारत बोर्डरमा एक पुरुषको लास

न्यूज ब्यूरो, जनकपुरधाम । नेपाल भारत बोर्डरको दशगजा क्षेत्रमा एक पुरुषको लास फेला परेको छ ।

मधेश प्रदेशको सप्तरी जिल्लास्थित नेपाल भारतको दशगजा क्षेत्रमा एक पुरुषको शव फेला परेको स्थानीय प्रहरीले जनाएको छ ।

तिलाठी कोईलाडी गाउँपालिका १ भन्सार चौकदेखि रामपुर मल्हनिया जाने बाटोको दाहिने साईड कुनौली जाने दशगजामा बुधवार बिहान करिब साढे ६ बजेको समयमा एक पहाडी मुलका करिब ४०÷४५ वर्षीय पुरुषको शव फेला परेको जिल्ला प्रहरी कार्यालय सप्तरीले जनाएको छ ।

पहाडी मुलको जस्तो देखिने पुरुष व्यक्ति घोप्टो मृतक अवस्थामा रहेको स्थानीयले खबर गरेपछि प्रहरीले घट्नास्थलमा पुगेर लास जाँच मुचुल्का गरेको जनाइएको छ ।

मृतकको हालसम्म सनाखत नभएकाले शवलाई पोस्टमार्टमका लागि गजेन्द्र नारायण सिंह अस्पताल राजबिराजको शब गृहमा सुरक्षीत राखिएको प्रहरी प्रवक्ता डीएसपी माधव प्रसाद काफ्लेले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।