सिरहाको डुमरीमा ३२ जनाले गरे रक्तदान

न्यूज ब्यूरो, सिरहा। सिरहाको कल्याणपुर नगरपालिका वडा नम्बर ९ को आयोजनामा र ब्लड फर नेपालको सह-आयोजनामा कल्याणपुर नगरपालिका वडा ०९ स्थित डुमरीमा रक्तदान कार्यक्रम सम्पन्न भएको छ।

कल्याणपुर वडा नं ९ र ब्लड फर नेपालको सह-आयोजनामा भएको रक्तदान कार्यक्रममा ३२ जनाले रक्तदान गरेको जनाइएको छ।

उक्त कार्यक्रममा स्थानीय बासिको सक्रिय सहभागितामा रहेको थियो । धेरै जसो रक्तदाताहरू पहिलो पटक रक्तदान गरेको थियो।

कार्यक्रममा कल्याणपुर नगरपालिका वडा नं ९ का वडा अध्यक्ष बिनोद कुमार यादव, जनमत पार्टीका कल्याणपुर नगरपालिका अध्यक्ष रविन्द्र कुमार ठाकुर लगायत स्थानीय बासीले रक्तदान गरेका छ ।

“जनता हितका लागि, जनताको हरेक समस्याका लागि हामी काम गर्दैछौं, रक्तदान कार्यक्रम जनताको स्वास्थ्यसँग सम्बन्धित रहेकोले आजको कार्यक्रम आयोजना गरेको थिए र आगामी दिनमा वडा बासिका लागि निःशुल्क रगत उपलब्ध होस् भने पहल गर्नेछु” वडा अध्यक्ष यादवले कार्यक्रमलाई सम्बोधन गर्दै बताए।

“जनतालाई रगत व्यवस्थापनमा कठिनाइ नहोस् जसको लागि रगत अभियान सिरहा लगायत देश भरि नै सञ्चालन भइरहेको” ब्लड फर नेपाल सिरहाका संयोजक सन्तोष यादवले बताए। कार्यक्रमलाई सफल गराउनका लागि समाजसेवी तथा अभियन्ता इन्द्रजित यादवले संयोजन गरेका थिए ।

उक्त कार्यक्रममा कल्याणपुर नगरपालिका वडा ९ का वडा अध्यक्ष बिनोद कुमार यादव, जनमत पार्टीका कल्याणपुर नगरपालिका अध्यक्ष रविन्द्र कुमार ठाकुर, ब्लड फर नेपाल सिरहाका संयोजक सन्तोष यादव, सह संयोजक रोविन यादव, सदस्य रविन जैसवाल, सुरेन यादव, संस्थापक सरोज कुमार महतो, सिटिजन इन्सुरेन्स गोलबजारका प्रबन्धक ससीशेखर यादव लगायत स्थानीयवासीको सहभागिता रहेको थियो ।