जनकपुरः घरको तीन तल्लाबाट खसेर बालकको मृत्यू

न्यूज ब्यूरो, जनकपुरधाम । मधेश प्रदेशको राजधानी जनकपुरधाम क्षेत्रस्थितस्थित एक बालकको तेस्रो तल्लाबाट खसेर ज्यान गएको छ ।

धनुषाको ढल्केवरमा तीन तलाबाट खसेर एक बालकको मृत्यु भएको हो ।

इलाका प्रहरी कार्यालय ढल्केवरका अनुसार सोमबार साँझ ६ बजे मिथिला नगरपालिका वडा नम्बर ६ बस्ने रामकुमार सिंहको एक वर्षीय छोरा आरभकुमार सिंहको आफ्नै तीन तला घरबाट खसेर मृत्यु भएको हो ।

खेल्दा खेल्दै घरको रेलिङ्गबाट बाहिर निस्केको बताइएको छ । तीन तलाबाट खसेर घाइते भएका बालकलाई उपचारका लागि प्रादेशिक अस्पताल जनकपुर लगिएकोमा उपचारकै क्रममा मृत्यु भएको इलाका प्रहरी कार्यालय ढल्केवरका प्रहरी निरीक्षक रामसागर सिंहले बताए ।

मृतक बालकलाई शव परीक्षणका लागि सोही अस्पतालमा राखिएको उनले जानकारी दिए ।

मृतक बालका मिथिला नगरपालिकाका पूर्व नगर प्रमुख हरिनारायण महतोको नाति हुन् । उनको घरमा अहिले रुवाबासी चलेको छ ।