शहिदनगरमा 'बलात्कारी संरक्षक मूर्दावाद' भन्दै माओवादीको रयाली

न्यूज ब्यूरो, जनकपुरधाम । धनुषाको शहिदनगर नगरपालिकामा नागरिक बिधेयक पारित गर, बलात्कारीलाई संरक्षण गर्न पाईदैन भन्दै बिरोध र्‍याली प्रदर्शन गरिएको छ ।

नेकपा माओवादी केन्द्र शहिदनगर नगरपालिका द्वारा पुर्व निर्धारित कार्यक्रम अन्तर्गत यदुकुहामा नागरिकताको विषय र स्थानीय मुद्दाहरूको विरोध गरिएको हो।

नेता तथा स्थानीय कार्यकर्ताले हातमा विभिन्न प्ले कार्डमा लेखिएकोको नाराहरु नागरिकता विधेयक पारित गर, राष्ट्रपति विद्यादेवी भण्डारी मुर्दावाद, बलात्कारीलाई कारवाही गर , बलात्कारी संरक्षक मुर्दावाद , शान्ति सुरक्षा कायम गर , लगायत अन्य मागहरु राखी विरोध प्रदर्शन गरिएको हो ।

बिरोध र्‍याली शान्तिपुर्ण तरिकाले यदुकूहाको विभिन्न भागको परिक्रमा गरि भट्ठी चौकमा पुगी कोण सभामा नेता रामकिशोर पासवान, वडा अध्यक्ष सुरेश कापर ,नेता हेम शंकर भन्डारी,युवा नेता रुपेश बिराजी आआफनो धारणा व्यक्त गरेका थिए भने पाँच सय भन्दा बढी नेता तथा कार्यकर्ताहरुको उल्लेखनीय सहभागिता रहेको थियो ।