धनुषाधाम सौन्दर्यीकरण अभियानमा प्रदेश साँसद यादवले दिए ४००० माछा

न्यूज ब्यूरो, जनकपुरधाम । मधेश प्रदेशका प्रदेश साँसद एवम् चर्चित समाजसेवी रामअशिष यादवले धनुषाधाम सौन्दर्यीकरण अभियानको क्रममा ४००० माछाको भुर्रा सहयोग गरेका छन् ।

गँगासागर सफाई अभियानका सँयोजक समेत रहेका प्रदेश साँसद यादवले धनुषाधामस्थित धनुषासागर पोखरी र धनुषमन्दिर सौन्दर्यीकरण अभियानमा धनुषासागर सरोवरमा ४००० माछा सहयोग गरेका छन् ।

शनिबार बिहान अभियानमा पुगेर अभियानीहरुको मनोबल बढाउँदै धनुषसागर सरोवरमा विभिन्न प्रजातीको माछा सहयोग गरेका छन् । उनले शनिबार ४००० माछाको भुर्रा सहयोग गरेका छन् ।

जनकपुरधाम जस्तो शहरलाई सफाई गरी नयाँ स्वरुप दिएका प्रदेश साँसद यादवले पत्रकार बिनय यादवको अगुवाईमा सँचालन भएको धनुषाधाम सौन्दर्यीकरण अभियानमा उनले हातोमालो गरेका छन् ।

बृहत्तर जनकपुर क्षेत्र विकास परिषदभित्र पर्ने धनुषाधामलाई पर्यटकीय बनाउन साँसद यादवले गरेको परिकल्पनालाई साकार पार्न अभियानीहरुले देखाएको उत्साहको उनले प्रशँसा गरे ।

अभियानीहरुको बीच पुगेर उनले अभियानहरुसँग गरेको वाचा अनुसार शनिबार बिहानै माछा लिएर पोखरीमा हालेका छन् । अभियानीहरुले उनलाई स्वागत गरेको थियो ।