७ दिनभित्र सडक पेटी खाली गर्न वडा कार्यालयको अल्टिमेटम

न्यूज ब्यूरो, सिरहा। सिरहा नगरपालिकाको एक वडा कार्यालयले ७ दिनभित्र सडक पेटीमा रहेको अनावश्य वस्तुहरु हटाउन सूचना जारी गरेको छ ।

वडा कार्यालयले सोमबार एक सूचना जारी गर्दै एक हप्ता भित्र सडकको छेउमा रहेको सामग्री खाली गर्न अनुरोध गरेका छन ।

सिरहा नगरपालिकाको वडा नम्बर १७ का वडामा रहेको सडकको दायाँबायाँ मापदण्ड भित्र रहेको घर,टहरा,रुख,विरुवा,गोबर,लकडी लगायत अन्य सामाग्रीहरु र घरपालुवा जनावर लगायत सडकमा आवातजावत गर्न बाधा पुर्याउने सम्पुर्ण सामग्रीहरु ७ दिन भित्र खाली गराउन अल्टिमेटम दिएका छन ।

सिरहा नगरपालिका वडा नम्बर १७ अन्तर्गत पर्ने सम्पुर्ण सडक व्यवस्थित र दुर्घटना न्यूनीकरण गर्ने उदेश्यले सडक खाली गराउन लागेको वडा अध्यक्ष उमेशप्रसाद यादव बताए ।

बर्षौ देखि अव्यवस्थित रहेको सडकलाई व्यवस्थित गर्ने योजना मेरो योजना प्रमुख दायित्व रहेको यादव बताए ।

विभिन्न ठाउँमा सडक पेटीमै गोबर राख्ने, घरपालुवा जनावर बाध्ने, निर्माण समाग्री राख्ने, गाडी राख्ने कार्यले आम नागरिकलाई सास्ती हुनुको साथै दुर्घटनाको आँकडा समेत बनेको बताइएको छ ।