मोनाष्टिकका विद्यार्थी यादवले गरे जनकपुर क्षेत्र टप, प्रदेशभरिमै 4 GPA ल्याएको दाबी

न्यूज ब्यूरो, जनकपुरधाम। २०७८ सालको एसईई परीक्षामा सहभागी जनकपुरधामस्थित मोनाष्टिक आवासिय माध्यमिक विद्यालयका एक छात्रले जनकपुर क्षेत्रभरिमै ४ जिपिएका नतिजा ल्याउन सफल भएका छन् ।

जनकपुरधाम उपमहानगरपालिका–१३ कर्वड हल बस्ने संतोष यादवका छोरा प्रवेश यादवले यसवर्षको एसईईमा जनकपुर क्षेत्रमै उत्कृष्ट नतिजा ल्याएको दाबी गरिएको छ ।

राष्ट्रिय परीक्षा बोर्डले सार्वजनिक गरेको नतिजा अनुसार जनकपुरधामस्थित मोनाष्टिक आवासिय माध्यमिक विद्यालयमा अध्ययनरत यादवले ४ जीपीए ल्याएर जनकपुर टप गरेको स्कुलका सञ्चालक डाक्टर सोनु साहले जानकारी दिए ।

डा. साहले देशभरीमा ४२ जना विद्यार्थीले ४ जीपीए ल्याएकोमा त्यसमध्ये मोनाष्टिकका छात्र प्रवेश पनि एक रहेको बताए । प्रवेशले मधेस प्रदेशभरिमै सर्वोत्कृष्ट नतिजा ल्याएको सञ्चालक साहले बताए ।

सञ्चालक साहले मोनाष्टिक आवासिय माध्यमिक विद्यालयबाट यसवर्ष कूल २१६ छात्र छात्राले एसईईमा सहभागिता जनाएकोमा ३१ जनाले ए प्लस, ७१ जनाले ए, ७३ जनाले बि प्लस ३५ जनाले द्य र ६ जनाले सि ग्रेड ल्याएकोसमेत जानकारी दिए ।

त्यस्तै, विद्यालयका प्रियांसु चित्रांशले ३.९० जीपीए, लक्ष्मी कुमारी महतोले ३.८५ र केशव कुमार साहले ३.८५ जीपीए ल्याएका छन् ।

मधेश प्रदेशको राजधानी जनकपुर क्षेत्रमा नीजि क्षेत्रबाट सँचालनमा रहेको मोनाष्टिक आवासीय माध्यमिक विद्यालय व्यवस्थापन हिसाबले उत्कृष्ट विद्यालय मानिन्छन् ।