धनौजीको सरकारी स्कूलमा विद्यार्थीहरुलाई निःशुल्क कोचिँग

न्यूज ब्यूरो, जनकपुरधाम । धनुषा जिल्लाको धनौजी गाउँपालिकास्थित रहेको एक समुदायिक विद्यालयमा निःशुल्क कोचिँग पढाईको व्यवस्था गरिएको छ ।

धनौजी गाउँपालिका वडा नम्बर २ धनौजीस्थित रहेको शंकर माध्यमिक विद्यालयमा निःशुल्क कोचिँग सँचालन गरिएको जनाईएको छ ।

भोली मँगलबारदेखि सो विद्यालयमा अध्ययनरत विद्यार्थीहरुको गर्मी विदालाई उपयोग गर्ने गरी शिक्षकहरुले निःशल्क कोचिँग पढाउने भएको छ ।

विद्यालयहरुमा गर्मी विदाको एक महिनाको लगि बिदा दिएको हुनाले कक्षा ८,९ र १० का अध्ययनरत छात्रछात्राहरु पठन पाठनका लगि निः शुल्क कोचिङ्ग संचालनमा ल्याएको हो ।

सोमबार जारी गरिएको एक सूचनामा विद्यालयका हेडमास्टर बिजय कुमार मंडलले विद्यालयमा नबुझेको कुरा पुनः पढनको लागि प्राईभेट कोचिँग सेन्टरमा पढन जानुभन्दा यही अतिरिक्त कक्षा सँचालन गरी उनीहरुलाई मजबुत बनाउन सकिने उदेश्यसहित कोचिँग सँचालन गरिने भएको छ ।