सलमान खान आउँदो जेठ १२ गते नेपाल आउने

न्यूज ब्यूरो ||
एजेन्सी, २६ चैत्त । बलिउड अभिनेता सलमान खानको काठमाडौं आउने कार्यक्रम जेठ १२ मा हुने भएको छ ।

गत फागुनमा २६ मा आयोजना गर्ने भनिएको दबङ टुर स्थगित भएको उनको नेपाल कार्यक्रम जेठमा हुने भएको हो ।

मुम्बईस्थित जेए इभेन्ट्सले नेपालमा आयोजक रहेको ओडीसी इन्टरटेनमेन्टलाई पठाएको पत्रमा मे २६ तारिख (जेठ १२) मा सलमानको दबङ टूर नामक काठमाडौं मा हुने उक्त कार्यक्रमको समय निश्चित गरिएको उल्लेख छ ।

सलमान खानसहित सोनाक्षी सिन्हा, प्रभु देवा, कृति सनोन, मिट ब्रस, दिशा शाह, , मनिष पल र डान्सरहरु आउने पत्रमा उल्लेख छ ।

यसअघि फागुन २६ गतेको लागि काठमान्डौँको टुँडिखेल मैदानमा हुने भनिएको सलमान खानको कार्यक्रम माओवादी विप्लवको चेतावनीपछि रद्द गरिएको थियो ।

सलमान खान जेल गएपछि आयोजक समितिमा रुवावासी भएको थियो भने एक दिनमै जमानत भएपछि पुनः आउँदो जेठ १२ गते सलमान खानलाई नेपालको न्यौता परेको छ ।