तार जोडने क्रममा करेन्ट लागेर मलाहको अवस्था गम्भिर

न्यूज ब्यूरो, राजविराज । मधेश प्रदेशको सप्तरी जिल्लास्थित तार जोडने क्रममा करेन्ट लागेर एक जना पुरुष गम्भिर घाईते भएका छन् ।

सप्तरी जिल्लाको हर्दिया बस्ने भनिएको अन्दाजी बर्ष ४५ को दिलिप कुमार मुखिया (मलाह) लाई करेन्ट लाग्दा उनको अवस्था गम्भिर भएको हो ।

आज दिउँसो सप्तरीको मालेकपुरमा बिजुलीको तार जोडने क्रममा उनलाई करेन्ट लागेको हो । हर्दिया बस्ने बिन्देश्वर मलाहको ४५ बर्षिय छोरा दिलिपलाई करेन्ट लागेको स्थानीय धर्मनाथ यादवले जनाएका छन् ।

करेन्ट लागेपछि उनलाई तत्कालै सप्तरीको राजविराजस्थित रहेको गजेन्द्रनारायण सिँह अस्पतालमा उपचारको लागि पठाएको हो । उनको घरमा खवर गरिदिनको लागि समाजिक सँजालमा आग्रह समेत गरिएको हो ।