'माटो जोगाउ' मा मोनाष्टिक

न्यूज ब्यूरो, जनकपुरधाम । मधेशको राजधानी जनकपुरधामको चर्चित स्कूल मोनाष्टिक आवासीय विद्यालयले माटो जोगाउ अभियानमा सहभागीता जनाएको छ ।

दैनिक खेतीपातीमा रासायनिक मल र किटनाशक औसधिको प्रयोग बढनाले मरुभूमिकरण र खडेरी का समस्या बढिरहेको भन्दै माटो जोगाउ अभियानको लागि मोनाष्टिक स्कूलले अभियान सँचालन गरेको हो ।

संयुक्त राष्ट्र संघको मरुभुमीकरण र खडेरी विरुद्ध संघर्ष अधिवेशन संस्थाको तथ्यांक अनुसार हरेक सेकेण्ड एक एकड़ अर्थात करिब ८ रोपनी माटो मरुभूमि बनिरहेको तथ्यलाई मध्यनजर गर्दै उर्बरा माटो जोगाउन अभियान सँचालन गरिएको मोनाष्टिकका प्रबन्धक निर्देशक डा. सोनु साहले जानकारी दिए ।

“यस अभियानको उद्देश्य नेपालभर जनचेतनामूलक तथा सामुदायिक चेतनामूलक कार्यक्रम गर्नु हो । यी कार्यक्रमहरूले मानिसहरूलाई माटोको बिग्रदो अवस्था तथा यसलाई समाधान गर्न माटो जोगाऔँ विश्वव्यापी अभियान तयार छ भन्ने बारे शिक्षित गर्नेछन्।”– डा. साहले भने ।

ईशा फाउन्डेसन मार्फत सदगुरुको नेतृत्वमा माटो जोगाउनको निम्ति लण्डनदेखि भारतसम्म २७ राष्ट्रहरू हुँदै, १०० दिनमा ३०,००० किलोमिटरको एकल मोटरसाइकल यात्रा गर्ने क्रममा सद्गुरुले विभिन्न राष्ट्रका नागरिकहरू, नेतृत्वकर्ताहरू र विज्ञहरूलाई भेटने कार्यक्रम समेत रहेको छ ।

अभियानलाई सफल पार्न नेपालका नवीन पुन मगरले नेपालका सातै प्रदेशको ३५०० किलोमिटरको पैदल यात्रा गर्दै आज जनकपुरधाम आउने भएका छन् ।

मोनाष्टिक स्कूलको माविका छात्राहरुले माटो जोगाउ अभियानमा सरिक हुँदै सो सम्बन्धि पोस्टर प्लेकार्ड प्रस्तुत गर्दै माटोको महिमा सम्बन्धि गितमा आकर्षक नृत्य समेत प्रस्तुत गरेका छन ।

अभियानमा साथ दिन जनकपुरधाम उपमहानगरपालिकाका मेयर मनोज कुमार साहलाई भेटी ज्ञापन पत्र बुझाएका छ्न भने प्रधानमन्त्री शेरबहादुर देउवा लाई माटो जोगाउ अभियानमा साथ दिन पत्र पठाएका छन।

माटो जोगाउ अभियानअन्तर्गत नेपालमा नेतृत्व गरिरहेका नविन पुन मंगलबार साँझ धनुषाको ढल्केवर आइपुगेका थिए ।

सातवटै प्रदेश गरी ३५ सय किलो मिटर दौडेर यात्रा तय गर्ने लक्ष्यसाथ काठमाडौंबाट दौड यात्रा शुरुको पुन आठौँ दिनमा जनकपुर आउन लागेका हुन् ।

उनलाई मिथिला उद्योग बाणिज्य संघका पदाधिकारी र कोमल होटलका सञ्चालक स्वागत तथा सम्मान गरेका थिए ।