सिरहामा पेट्रोलियमको मूल्य वृद्धिविरुद्ध प्रदर्शन, देशव्यापी आन्दोलन चर्काउने चेतावनी

न्यूज ब्यूरो, सिरहा। डा. सिके राउत नेतृत्वको जनमत पार्टी सिरहाद्वारा पेट्रोलियम पदार्थको मूल्य वृद्धि विरुद्ध प्रदर्शन गरेको छ।

सोमबार सरकारले पेट्रोलियम पदार्थको मूल्यमा २१ रुपैयाँ बढाएपछि जनमत पार्टी सिरहाको कार्यकर्ताले कसहा बजारमा प्रदर्शन गरेको प्रदर्शनमा पार्टीका केन्द्रीय सदस्य एवं जिल्ला इन्चार्ज नेतृत्वका कार्यकर्ताहरूले पूर्व पश्चिम राजमार्गको कसहा बजारमा टायर बालेर प्रदर्शनमा उत्रिएका छन् ।

आकासिँदै गरेको पेट्रोलियम पदार्थको मूल्य विरुद्ध प्रदर्शनमा उत्रिएका मूल्य वृद्धि फिर्ता नलिए देश व्यापी आन्दोलन चर्काउने समेत सरोकारवालालाई चेतावनी दिएको छ।

आइतबार रातिबाट निगमले डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य वृद्धि गरेको छ ।

मूल्य वृद्धि भएपछि एक लिटर पेट्रोलको मूल्य १९९ रुपैयाँ पुगेको छ भने एक लिटर डिजेल र मट्टितेलको मूल्य १९२ रुपैयाँ पुगेको छ