असहायलाई जीवनदान गरेको भन्दै जनकपुरको काव्या अस्पताललाई मानवसेवा आश्रमको सम्मान

न्यूज ब्यूरो, जनकपुरधाम । जनकपुरधामको सडकमा बेसाराहा र अहायको उपचारको लागि जनकपुरको काव्या हस्पिटलले तादरुकता देखाएको भन्दै मानव सेवा आश्रमले सम्मान गरेका छन् ।

मानव सेवा आश्रमको धनुषा शाखाले असहायलाई जीवनदान दिने कार्यमा काव्या हस्पिटलले भूमिका निर्वाह गरेको भन्दै सम्मान गरेको हो ।

पुरै कुहिएको खुट्टा, कमजोर बनेको शरिर लिएर जीवन र मृत्युको मुखमा रहेका रमेश नामक एक व्यक्तिको उपचारको लागि काव्या हस्पिटलले निःशुल्क गरेपछि हस्पिटलको सँचालकलाई सम्मान गरिएको हो ।

कुहीको खुट्टाको उपचार भइरहेको छ । कमजोर बनेर थलिएको उनको शरिरमा विस्तार ताकत भरीदै आइरहेको छ।

मानवसेवा आश्रमका विरामीहरुलाई अस्पतालबाट उपलब्ध हुने सबै प्रकारको सेवाहरु निशुल्क हुने प्रतिवद्धता अस्पतालका सञ्चालक एस के सिंह र सोनियाँ सिंहले गरेपछि आश्रमको तर्फबाट सम्मान गरिएको हो ।

“अधिकार सम्झेर सहयोगापेक्षी सडकआश्रित मानवहरुलाई काव्या अस्पतालमा ल्याउँदा हुन्छ । मानवसेवा आश्रमको सेवाको अभियानमा सहयोगी हुन पाउँदा हामिलाई खुशी लाग्छ ।”– सँचालक एसके सिँहले भने ।

सो क्रममा प्रदेश साँसद एवम् गँगासागर सफाई अभियानका सँयोजक राम अशिष यादव, उद्योग बाणिज्य संघका उपाध्यक्ष अम्भू प्रसाद साह लगायत मानव सेवा आश्रमका पदाधिकारीहरुको सहभागीता रहेको थियो ।