विकासको अनुभूति दिँदै कान्छो मेयर, प्रसुति गृह शिलान्यास

न्यूज ब्यूरो ||
जनकपुरधाम, २५ चैत्त । प्रदेशमै विकासको मामिलामा अग्र रहेको धनुषाको शहिदनगर नगरपालिकामा आज प्रसुति गृहको शिलान्यास गरिएको छ ।

कान्छो मेयर उदय कुमार बरबरिया यादवले एक कार्यक्रमबीच नगरपालिकाको वडा नं. २ चोराकयलपुरमा प्रसुति गृहको शिलान्यास गरेका छन् ।

यस्तै नगरपालिकाकै वडा नं. गोठ कोयलपुर टोलमा रहेको नखु पोखरीमा घाट निर्माणको लागि कार्यक्रम शुभारम्भ गरिएको छ ।

दुवै ठाउँमा शिघ्र काम सुरुवात गर्ने प्रतिवद्धता सहित बरबरियाले शिलान्यास गर्दै आवश्यक परेको ठाउँमा आवश्यक विकास र निर्माणका कार्यक्रमहरु बारे खाँचो प्रकट गर्न जनसुमदायमा आग्रह समेत गरे ।

कार्यक्रममा माओवादी केन्द्रका केन्द्रीय सचिवालय सदस्य श्रवण कुमार बरबरिया यादव (बिग बी - बडा बरबरिया), नगरकी उपमेयर सिला देवी कापर , वडा अध्यक्ष जैसिलाल भिनवार ,रामरतन पासवान, कनैहिया मुखिया, लगायत स्थानीय नगरवासीको सहभागीता रहेको थियोे ।

धनुषा जिल्लामै शहिदनगर नगरपालिका विकास निर्माणको कार्यक्रमहरु धमाधम गरिरहेको छ ।