भारतीय नेतृ नुपुर शर्मालाई 'हिन्दु शेरनी' भन्दै वीरगँजमा शान्तीपूर्ण समर्थन

न्यूज ब्यूरो, वीरगँज । अहिले विश्वमै चर्चामा रहेकी भारतीय जनता पार्टीकी पूर्व प्रवक्ता नुपुर शर्माको विवादस्पद बयानपछि वीरगँजमा उनका समर्थकहरुले शान्तीपूर्ण समर्थन गरेका छन् ।

हिन्दु परिषद नेपालको आयोजनामा हिन्दू शेरनी नूपुर शर्मा ज्यूको समर्थन र हिन्दू धर्म रक्षाको लागि आज बिरगंजमा शान्तिपूर्ण रूपमा कार्यक्रम गरिएको छ ।

हिन्दु परिषद नेपालका राष्ट्रिय अध्यक्ष हिन्दुवादी अगुवा संतोष पटेल ज्यूले समस्त हिन्दु धर्मसँग आस्था राखेको व्यक्तिहरूलाई आ-आफ्नो स्थानबाट हिन्दुको लागि आफ्नो आवाज उठाउने नूपुर शर्माको समर्थनमा ठाउँ(ठाउँमा कार्यक्रम गर्न आग्रह समेत गरेका हुन ।

“सत्य कुरा बोल्दा पार्टी, संगठन, समाजले कार्वाही गर्न थाल्यौं भने भोलिको दिनमा कसैले केही चाहेर पनि बोल्न सक्दैन त्यसैले सत्य कुराको लागि चौतर्फी बिरोध भइरहेको अवस्थामा हिन्दूवादीहरूले समर्थन गर्न सकेनन्हा हाम्रो भविष्य आउने दिनमा ठूलो अन्धकारमा पर्ने समेत खतरा अहिले देखि नै प्रष्ट भइरहेको उहाँले बताए ।