धनुष मन्दिरलाई ट्रस्टमा लैजान र पर्यटकसँग पाहुनावत व्यवहार गर्न मेयर मण्डलको निर्देशन

न्यूज ब्यूरो, जनकपुरधाम । बृहत्तर जनकपुर क्षेत्र विकास परिषद अन्तर्गत धनुषाको ऐतिहासिक एवम् पर्यटकीय स्थल मानिएको धनुषाधामको धनुष मन्दिरलाई ट्रस्टमा लैजान नगर प्रमुख बालेश्वर मण्डलले निर्देशन दिएका छन् ।

शुक्रबार धनुषाधामका व्यावसायीहरुसँग खुल्ला कुराकानी गर्दै मेयर मण्डलले ऐतिहासिक भूमिलाई अझ प्रचार प्रसार र यहाँका व्यावसायीको व्यापार फस्टाउन मन्दिरलाई ट्रस्टमा लैजान निर्देशन दिएका हुन् ।

धनुषाधाम नगरपालिकाका मुख्य केन्द्रबिन्दु धनुषाधाम बजार सौन्दर्यकरणका लागि सर्वपक्षीय भेला आयोजना गरी धनुषाधाम विकासको लागि यहाँका व्यावसायीहरुको भूमिका मार्गदर्शन गरेका हुन् ।

जनभावना बमोजिम खुल्ला रुपमा सल्लाह सुझाव संकलनका लागि धनुष जनता उच्च मा बि तथा प्राविधिक ब्यबासायिक विद्यालयको प्राँगनमा सार्वजनिक भेला बोलाएर समस्याहरु टिपोट गरिएको छ।

सो भेलामा धनुषाधाम बिकासका लागि नगरपालिकाबाट गर्ने कामका लागि सुझावहरु स्थानीय ब्यपारी बुद्धिजीवी विभिन्न पार्टी प्रतिनिधिहरुबाट सुझाव संकलन गरिएको छ ।

नगरकार्यपालिकाको निर्णय अनुसार खुल्ला रुपमा भेला आयोजना गरिएको थियो । खुल्ला रुपमा मेयर अन्तरक्रिया गर्दा सर्वपक्षीयबाट प्रशंसा समेत गरिएको थियो ।

खुल्ला भेलाबाट मेयर मण्डलको योजना अनुसार, धनुषाधाम बजार सौन्दर्यकरण , धनुष मन्दिर व्यवस्थापन ,बजार क्षेत्र सौन्दर्यकरण तथा व्यवस्थापन, बस स्टैण्ड व्यवस्थापन ,वाणगँगा नदी व्यवस्थापन, धनुषाधाम बजार एवम् व्यावसायिक क्षेत्रको फोहोरमैला व्यवस्थापन लगायत विभिन्न विषयहरुमा सुझाव सँकलन गर्दै निर्देशन समेत दिएका हुन् ।

धनुषाधाम मुख्य बजारका सरोकार राख्ने वडा नं १ का अध्यक्ष बिश्वनाथ यादव,२ का लक्ष्मी साह,३का जयनारायण यादवहरु रहेका छ्न उहाँहरुलाई मेयर मण्डलले सम्पुर्ण एजेन्डाहरु प्रती सम्बन्धित व्याक्तीहरु संग परामर्श गरि कार्य यथाशीघ्र अगाडि बढाउन निर्देशन सर्वपक्षीय भेलामा दिएका छ्न ।

सो क्रममा व्यापार संघ धनुषाधामले बजार क्षेत्र व्यवस्थापन तथा धनुषाधाम बजार सम्बन्धि २१ बुदे सुझाव समेत दिएका छ्न ।

सो कार्यक्रम धनुषाधामका स्थानीय ब्यपारी तथा प्रत्यक्ष सरोकार राख्नेहरुको उपस्तिथि रहेको थियो ।

मेयर मण्डलले प्रथम पटक खुल्ला रुपमा बहस र छलफल राख्दा स्थानीय व्यापारीहरुले उनको खुलेर प्रशँसा गर्दै आगामी दिनमा पनि यस्तै खुल्ला रुपमा निरन्तर वाद संवाद र समस्या टिपोट गर्न आग्रह गरेको थियो ।