बिजुलीको मिटर रिडरद्धारा प्राधिकरणलाई ७ दिने अल्टिमेटम

न्यूज ब्यूरो, जनकपुरधाम । नेपाल विद्युत प्राधिकरणमा कार्यरत मिटर रिडरहरुले प्राधिकरणलाई ७ दिने अल्टिमेटम दिएको छ ।

नेपाल विद्युत प्राधिकरणमा कार्यरत मिटर रिडरहरुले एकै प्रकारको सेवा सुविधा हुने गरी बनाउन प्राधिकरणलाई ज्ञापन पत्र बुझाएको छ ।

ज्यादादारीमा खटिने मिटर रिडरहरुलाई आउने सेवा सुविधा एकनाश तवरले दिनुपर्ने माग सहित प्राधिकरणलाई ध्यानाकर्षण गराउँदै माग पुरा नभए आगामी असार १ गतेदेखि चरणवद्ध आन्दोलनको घोषणा गर्ने चेतावनी समेत दिएको छ ।

प्राधिकरण जनकपुरधाममा कार्यरत ६२३ जना कर्मचारीलाई एकैनासको सेवा सुविधा उपभोग गर्ने गरी बनाउन पटक पटक आग्रह गरेपछि अहिलेसम्म सुनुवाई नगरेको भन्दै असार १ गतेदेखि आन्दोलनको चेतावनी दिएको हो ।

मिटर रिडर समूहको अगुवा उज्जल झाले आफूहरुको माग पूरा नगरिए विगत झै आन्दोलनमा उत्रने चेतावनी दिएको हो ।

मिटर रिडरहरुलाई गोटे ठेकेदारको रुपमा दुश्प्रचार गरिएकोप्रति समेत आपत्ति जनाउँदै झाले मिटर रिडरहरु समेत प्राधिकरणको एक कर्मचारीको रुपमा सम्मान पाउनुपर्ने गरी बनाउन माग उठाएका छन् ।

मिटर रिडरहरुले विद्युत चुहाबट नियन्त्रणमा अहम भूमिका निर्वाह गरेको जनाउँदै उनीहरुले माग पूरा यथाशिघ्र गर्न माग गरेका हुन् ।