गोडैता नगरपालिकाका मेयर यादवद्वारा विद्यालय भवनको शिलान्यास

न्यूज ब्यूरो, सर्लाही । सर्लाहीको गोडैता नगरपालिकाका नगर प्रमुख देवेन्द्र यादवले एक कार्यक्रमबीच विद्यालय भवनको शिलान्यास गरेका छन् ।

नगरपालिकाको वडा नम्बर २ जयपुर स्थित श्री जनता आधारभुत विधालयमा मेयर देवेन्द्र कुमार यादवले ३६ लाखको लागतमा निर्माण हुन लागेको भवनको शिलान्यास गरेको छ ।

गोडैता नगरपालिकाको शिक्षा शाखाबाट विधालयको भौतिक पुर्वाधार निर्माणका लागि प्राप्त बजेटबाट विधालयमा दुई तले चारकोठे भवन निर्माण हुन लागेको विधालय प्रशासनले जनाएको हो ।

आधारभुत सम्मका विधालयलाई ६ वटा शिक्षकको भरमा चलाउनु पर्ने बाध्यता रहेको विधालयका प्रधानाध्यापक गर्भु महतोले बताए ।

विधालयमा २ वटा राहत, २ वटा प्रावि र १ निमाविका दरबन्दी, २ वटा वालविकास रहेका छन । विधालयमा विषयगत र तहगत शिक्षकको समेत चरम अभाव रहेका छन । अङ्ग्रेजी, गणित र विज्ञान विषयको शिक्षक नहुदा प्रावी का शिक्षकको भरमा विधालय चलेका छन ।

आधारभुत सम्म विधालय संचालनका लागि ४ वटा शिक्षक र ६ कोठे भवनको विधालयलाई तुरुन्त आवश्यकता रहेका छन । उनले भने । विधालयमा पर्खाल नहुदा पठनपाठन समेत प्रभावित हुने गरेको छ ।

विधालयमा नयाँ भवन निर्माण र खेल मैदानका लागि जग्गाको समेत अभाव रहेका छन । किशोरीलाई शुद्ध खानेपानी सहित छात्रा शौचालय समेत आवश्यक रहेका छन ।

मधेस मधेसीको विकासका लागि शिक्षा स्तरमा वृद्धि गर्न गोडैता नगरपालिकाले शिक्षामा सबैभन्दा बढी बजेट विनियोजन गरेको गोडैता नगरपालिका मेयर देवेन्द्र यादव ले दाबी गरे । आज जयपुर आधरभुत विधालयमा ३६ लाख का भवनको शिलान्यास गरेको छु, उनले भने । आवश्यकता भए अगामी दिनमा पनि बजेट विनियोजन गरिने बताए ।

नगरभरीका विधालयमा शिक्षकको अभाव रहेको कुरा स्वीकार गर्दै सरकारले शिक्षक सेवा आयोगबाट विधालयमा शिक्षकको परिपुर्ति गर्नुपर्ने बताए ।

स्थानीय निकायले शिक्षक नियुक्त गरी तलब खुवाए अख्तियारले कार्वाही गरिने भएकाले समयमै शिक्षकको समस्या समाधान गर्न नसकेको बताए ।

मन्त्रालयले अधिकार दियो भने बोर्ड बैठकमा छलफल गरि नगरभरीका विधालयका शिक्षक व्यवस्थापनलाई पहिलो प्राथमिकतामा राखेर पहल गरिने प्रतिबद्धता गरे ।