पुनः जितेपछि धनौजी गाउँपालिका उपाध्यक्षका छोरा मण्डल घमण्डले माते, फोन र मेसेजमा अभद्र गाली

न्यूज ब्यूरो, जनकपुरधाम । धनुषाको धनौजी गाउँपालिकाकी उपाध्यक्ष रामबति देवी मण्डलका छोरा घमण्डल मातेर जथाभावी गाली गलौच गर्न थालेका छन् ।

कार्यालयको कुर्शी तोडफोड काण्डदेखि अनेकौ प्रकरणमा मुछिदै आएकी गाउँपालिका उपाध्यक्ष मण्डलका छोरा राजु मण्डलले आम नागरिकलाई तथानाम गाली गलौज गर्न थालेका छन् ।

एक योजनाको नीरिक्षण सम्बन्धी तस्विर समाजिक सँजालमा राखेपछि उनको पोष्टमा उनकै गाउँपालिकाका एक युवकले नीरिक्षण बाहेक अन्य केही नगरेको टिप्पणी गरिदिएपछि उनका छोराले तथानाम गाली गलौज थालेका छन् ।

डाक्टरीमा एमबिबिएस पढीरहेका राजु मण्डलले उपाध्यक्षको तर्फबाट विभिन्न आईडीसहित समाजिक सँजाल, फोन, मेसेज मार्फत गाली गलौज गरेका छन् । सुन्नै नसकिने खालको अभद्र शब्द, अश्लिल शब्दहरुको प्रयोग गरी उनले गाली गलौच गरेका छन् ।

सोमबार धनौजी गाउँपालिकास्थित रहेको जमुनी पूल निर्माणको क्रममा उपाध्यक्ष मण्डलले आफ्नो फेसबुकमा “जमुनी पूल निरीक्षण” भने राखेपछि स्थानीय एक युवकले “निरीक्षण मात्रै गर्ने हो बाकी तपाई बाट के पनि हुदैन” भनेर कमेन्ट गरेका छन् ।

त्यसपछि सार्वजनिक पद धारण गरेकी उपाध्यक्ष मण्डलले “बाप को नाम सागपात बेटाको नाम पर्बर” भनेर टिप्पणी गरेकी हुन् । सोही क्रममा धमेन्द्र भगत नामक एक युवकले उपाध्यक्षको जवाफ र शब्दप्रति व्यँग गर्दै “आहा कस्तो राम्रो बिचार छ हाम्रो उप मेयर पदमा बसेका जय हो धनौजी गाउँपालीका” भनेर टिप्पणी गरेपछि जुवानी युद्ध सुरु भएको हो ।

सार्वजनिक पदमा बस्ने जनप्रनिीधिको बोल्ने शैली, नीच स्तरको शब्द प्रयोगपछि पनि उनका छोरा राजु मण्डलले टिप्पणी गर्ने आम नागरिकलाई फोन गरी धम्काउँदै हिडेको गुनासो गरिएको छ ।

फोन गरी उनले अभद्र प्रकारको गाली गलौज गर्ने गरेको अडियो समेत सार्वजनिक भएको छ । उनले अरुलाई फेसबुक मेसेन्जर मार्फत गरेको गाली गलौजको स्क्रीनसट समेत सार्वजनिक भएको छ ।

यसै सन्दर्भमा उपाध्यक्ष रामबति देवी मण्डलसँग सम्पर्क गर्दा उनीसँग सम्पर्क भने हुन सकेनन् ।