धनुषाका प्रहरी सई बब्लु ठाकुर' बने बैशाख महिनाको उत्कृष्ट प्रहरी

न्यूज ब्यूरो, जनकपुरधाम । जिल्ला प्रहरी कार्यालय धनुषामा कार्यतर सई (प्रहरी नायव नीरिक्षक) बब्बु ठाकुर बैशाख महिनाको उत्कृष्ट प्रहरी कर्मचारी घोषित भएका छन् ।

प्रहरी कर्मचारीलाई प्रोत्साहन स्वरुप नेपाल प्रहरीले प्रत्येक महिना कार्य सम्पादनको आधारमा दिँदै आएको उत्कृष्ट प्रहरीको पदवी अनुरुप धनुषा प्रहरीको बैशाख महिनाको उत्कृष्ट प्रहरीको रुपमा बब्लु ठाकुर छानिएका हुन् ।

जिल्ला प्रहरी कार्यालय उदयपुर दरबन्दी भई जिल्ला प्रहरी कार्यालयमा कार्यरत प्रहरी नायव निरीक्षक ठाकुरले २०७९ साल बैशाख महिनाको उत्कृष्ट प्रहरी घोषित भएका हुन् ।

गत बैशाख ३० गते सम्पन्न भएको स्थानिय तहको निर्वाचनमा यस कार्यालयको निर्वाचन सेलमा कार्यरत रही स्थानिय तहको निर्वाचन सुरक्षार्थ, म्यादी प्रहरी भर्ना छनौट, म्यादी प्रहरी अह्रन खटन तथा परिचालन लगायत निर्वाचन सेलको आन्तरिक अभिलेख व्यवस्थापन तथा विभिन्न निकायहरुसंग समन्वय गरी आन्तरिक तथा बाह्य व्यवस्थापन समेतमा दिईएको जिम्मेवारी त्रुटिरहित ढंगले सम्पादन गरेको भन्दै धनुषाका एसपी बसन्त रजौरेले उनलाई प्रशँसा पत्र दिएका हुन् ।