सिलौटाको लोहोरो प्रहार गरी आफ्नै श्रीमानको हत्या

न्यूज ब्यूरो, दाँग । दाङमा एक महिलाले मसाला पिसिने सिलौटाको लोहोरो प्रहार गरी आफ्नै श्रीमानको हत्या गरेकी छिन् ।

अचार पिस्ने ‘लोहोरो’ प्रहार गरी घोराही उपमहानगरपालिका वडा नम्बर १४ मा कोठा भाडा लिएर बस्ने भारत बलरामपुर घर भएकी ३७ वर्षीया गायत्री नेपालीले ३३ वर्षीय श्रीमान् पङ्कज गुप्ताको हत्या गरेको प्रहरीले जनाएको छ ।

सोमबार बिहान उनले लोहोरो प्रहार गर्दा गुप्ताको घटनास्थलमै मृत्यु भएको प्रहरीले बताएको छ । हत्याको आरोेपमा प्रहरीले गायत्रीलाई पक्राउ गरी अनुसन्धान थालेको छ ।

श्रीमानले रक्सी खाएर आफूलाई कुटपिट गरेपछि त्यसको प्रतिकार गर्न खोज्दा यस्तो घटना भएको श्रीमतीले प्रहरीसमक्ष बयान दिएको जिल्ला प्रहरी कार्यालय दाङका प्रहरी उपरीक्षक सुरेश काफ्लेले बताए ।